Maharashtra Common Entrance Test (महाराष्ट्र कॉमन एंट्रन्स टेस्ट) च्या परीक्षेचा निकाल लवकरच जाहीर केला जाणार आहे. या उद्याच महाराष्ट्र कॉमन एंट्रन्स टेस्टचा निकाल जाहीर होणार आहे. निकाल जाहीर झाल्यानंतर तुम्ही cetcell.mahacet.org या अधिकृत वेबसाइटवर जाणून तुमचा निकाल मिळवू शकतात. उद्या म्हणजेच १२ जून २०२४ ला एमएचटी सीईटी निकाल जाहीर होणार आहे.
महाराष्ट्र सीईटी परीक्षा २०२४ ही २२ एप्रिल ते १७ मे यादम्यान घेण्यात आली होती. या कालावधीत २ मे ते १७ मे या कालावधीत पीसीएम ग्रुपची परीक्षा घेण्यात आली होती. तर पीसीबी ग्रुपची परीक्षा २२ एप्रिल ते ३० एप्रिल दरम्यान झाली होती. यावेळी या परीक्षा दोन शिफ्टमध्ये घेण्यात आल्या होत्या. पहिली शिफ्ट सकाळी ९ ते १२ आणि दुसरी शिफ्ट दुपारी २ ते ५ अशा वेळेत घेण्यात आली होती.
महाराष्ट्र कॉमन एंट्रन्स टेस्ट परीक्षेची सुधारीत उत्तरपत्रिका MHT CET Answer Key 2024 जाहीर करण्यात आलीय. मॉडरेटरने सोडवलेल्या यूनिक प्रश्न आयडींची एकूण संख्या ४७ वरून ५४ झालीय. उमेदवारांना ३६ प्रश्नांसाठी पूर्ण गुण देण्यात आलेत. तर १८ प्रश्नांच्या उत्तरांमध्ये बदल करण्यात आलेत.
असा चेक करा निकाल
अधिकृत वेबसाइट cetcell.mahacet.org वर जा.
त्यानंतर पुढील पेजवर Check MHT CET Result 2024 च्या लिंकवर क्लिक करा.
नंतर विचारण्यात आलेला तपशील भरा.
लॉन इन केल्यानंतर तुमचा निकाल स्क्रीनवर दिसेल.
निकाल तपासल्यानंतर त्याची प्रत डाऊनलोड करू घ्या.
काय असते Maharashtra Common Entrance Test
महाराष्ट्र कॉमन प्रवेश परीक्षा (MHT CET), ही एक राज्यस्तरीय प्रवेश परीक्षा असते. ही परीक्षा संपूर्ण महाराष्ट्रातील विविध महाविद्यालयांमध्ये अभियांत्रिकी आणि फार्मसीच्या शिक्षणासाठी प्रवेश घेण्यासाठी अर्जदारांची निवड करण्यासाठी घेतली जाते. महाराष्ट्र राज्य कॉमन प्रवेश परीक्षा दरवर्षी घेतली जाते.
MHT CET 2024 परीक्षेत 3 प्रश्नपत्रिका असतात. पेपर १ गणिताचा असतो. भौतिकशास्त्र आणि रसायनशास्त्राचा हा दुसरा पेपर तर तिसरी पेपर जीवशास्त्राचा असतो. ज्यांना अभियांत्रिकी अभ्यासक्रमात प्रवेश घ्यायचा असतो. त्या इच्छुकांनी पेपर १ आणि २ साठी तयारी करावी. फार्मसी अभ्यासक्रमाच्या इच्छुकांनी पेपर २ आणि ३ ची तयारी करावी.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.