Moog Dal Samosa Recipe : सकाळच्या नाश्त्यात बनवा क्रिस्पी मुग डाळ समोसा,जाणून घ्या रेसिपी

Moog Dal Samosa Recipe : हिवाळा आणि पावसाळा या दोन ऋतू मध्ये सकाळच्या नाश्त्यात काहीतरी गरम आणि कुरकुरीत खाण्याची इच्छा होते.अशा वेळी झटपट होणाऱ्या रेसिपीच्या शोधात तुम्ही असता.त्यामुळे ही झटपट आणि चवदार अशी रेसिपी ट्राय करा.

बटाटा समोसा आतापर्यंत तुम्ही खाल्लाच असेल मग यावेळेस काहीतरी वेगळं आणि क्रिस्पी म्हणून मुग डाळ समोसा नक्की बनवून पहा. चला तर मग जाणून घेऊया चविष्ट मुग डाळीचा समोसा कसा बनवतात.

1. साहित्य

• २ कप मैदा

• १ चमचा मीठ

• २ चमचे तेल (Oil)

• कनिक मळण्यासाठी पाणी (Water)

2. फिलिंग बनवण्यासाठी

• ३ टीस्पून लाल तिखट

• ३ टीस्पून गरम मसाला

• २ टीस्पून बडीशेप पावडर

• ३ कप(३-४ तास पाण्यात भिजवून ठेवलेले मूग डाळ)

• २ टेबलस्पून तेल

• १ टीस्पून जिरे

• १/८ टीस्पून हिंग

• मीठ चवीनुसार

• २ टिस्पून आमचूर पावडर

3. कृती

• मूग डाळ समोसे बनवण्यासाठी सर्वप्रथम डाळीला बारीक वाटून घ्या आता दोन चमचे तेल गरम करा.

• त्यात जिरे हिंग घाला ते तडतड होईपर्यंत तसेच राहू द्या.

• त्यानंतर त्यात डाळ घाला आणि बाकीचे साहित्य घाला हे मिश्रण मंद आचेवर तळून घ्या पूर्ण शिजल्यानंतर ते त्याला चिकटणार नाही अशी काळजी (Care) घ्या

• त्यानंतर मिश्रण गॅसवरून काढा आणि थंड होण्यासाठी ठेवा.

• थर तयार करण्यासाठी प्रथम पिठात मीठ आणि तेल घालून कडक कणीक मळून घ्या आणि पंधरा मिनिटे बाजूला ठेवा.

• आता पिठाचे छोटे छोटे गोळे करून गोलाकार लाटून अर्धे कापून घ्या.

• आता त्यातला एक तुकडा घ्या आणि त्याच्या काठावर थोडेसे पाणी लावा शंकूच्या आकारात करून वरचा भाग चांगला दाबा

• फिलिंग भरल्यानंतर बंद करून घ्या आणि समोसे करण्यापूर्वी तेल पूर्णपणे गरम असावे.

• समोसे घातल्यानंतर मंद आचेवर सोनेरी होईपर्यंत तळून घ्या.