Ladki Bahin Yojana : राज्यातील ५० लाख बहिणी अपात्र ठरल्या; काय आहे नेमकं कारण? जाणून घ्या

मुंबई : मुख्यमंत्री माझी लाडकी बहीण योजनेतील लाभार्थींच्या प्रत्येक निकषांनुसार पात्र महिलांची पडताळणी पूर्ण करण्यात आली आहे. आतापर्यंत ४० लाख २८ हजार महिला लाभासाठी अपात्र ठरल्या आहेत. यातील नमो शेतकरी महासन्मान निधी योजनेतील १४ लाख महिला शेतकरींनी देखील लाडकी बहीण योजनेच्या लाभार्थी आहेत. त्यांचा एकूण १ हजार रुपयांचा लाभ कमी करण्यात आला आहे. त्याचबरोबर ज्या कुटुंबाचा लाभ अडीच लाखांपेक्षा अधिक आहेत. त्या महिलांच्या नावापुढे 'एफएससी' असा शेरा मारून लाभ बंद करण्यात आला आहे.

विधानसभा निवडणुकीआधी अनेक महिलांनी लाडकी बहीण योजनेसाठी अर्ज केले. त्यावेळी सरसकट महिलांना लाभ देण्यात आले. निकष कडक असतानाही अपेक्षेपेक्षा अधिक अर्ज आले होते. त्यामुळी ५ महिन्यांत लाभार्थी महिलांची पडताळणी करण्यात आली, त्यानंतर अपात्र लाभार्थींचा शोध घेण्यात आला.

आता १४ हजार २९८ पुरुष लाभार्थी,दोन हजार २८९ सरकारी महिला, संजय गांधी निराधार योजनेतील दोन लाख ३२ हजार महिला, ६५ वर्षांवरील एक लाख १० हजार महिला, एका कुटुंबातील ४ लाख महिला आणि चारचाकी वाहन नावावर असलेल्या सव्वादोन लाख महिला योजनेचा लाभ घेत असल्याचे पडताळीतून स्पष्ट झाले. तर १ लाख ६० हजार महिलांनी स्वत:हून लाभ नाकारला. नमो शेतकरी महासन्मान योजनेतील महिला शेतकऱ्यांची नावे देखील लाडकी बहीण योजनेत होत्या.

दरम्यान, राज्यातील १४ हजार २९८ पुरुषांनी लाडकी बहीण योजनेचा लाभ घेतल्याचेही समोर आले होते. तर दोन हजार २८९ सरकारी नोकरदार महिलांनी देखील योजनेचा लाभ घेतल्याचे पडताळणीतून समोर आले. अपात्र लाभार्थींनी दरमहा २.४९ कोटींचा लाभ घेतल्याचेही उघडकीस आले. त्यांच्याकडूनही लाभाची रक्कम वसूल होऊ शकते, असेही वरिष्ठ अधिकाऱ्यांनी माहिती दिली.