Potassium Deficiency : हृदयामधील होणाऱ्या अनियमित हालचालींमुळे विविध प्रकारचे आजार उद्भवतात. नियमित काळजी न घेतल्याने हे आजार आपल्या शरीरासाठी धोकादायक ठरतात. हृदयाचे ठोके अचानक कमी-जास्त होत असेल तर हृदयविकरासारख्या गंभीर आजारांना तोंड द्यावे लागते.
अशा पद्धतीचे आजार का व कधी उद्भवतात जाणून घेऊया. डॉक्टरांच्या सांगण्यानुसार काही अंतर्गत गोष्टींशिवाय आपल्या आहारात कमी पडणाऱ्या पोषक तत्वांच्या कमतरतेमुळे हृदयामध्ये असामान्य हालचाली होऊ शकतात. पोटॅशियमची कमी होणे ही यातीलच एक समस्या आहे.
तुमच्या शरीरात पोटॅशियमची कमतरता असेल तर तुम्हाला अनेक आजारांना बळी पडावे लागेल. शरीरात पोटॅशियमचे योग्य प्रमाण नसल्यास तुमच्या हृदयावर त्याचा विपरीत परिणाम पाहायला मिळतो.
महत्त्वाचं म्हणजे पोटॅशियमची गरज महिलांना जास्त असते. त्यांच्या हाडांमधील पोटॅशियमचे प्रमाण योग्य नसेल तर महिलांना त्वचेचे आजार सुध्दा उद्भवू शकतात. एवढंच नाही तर पोटॅशियमच्या अनियमित प्रमाणामुळे हातापायांना मुंग्या येणे, अशक्तपणा येणे, उच्च रक्तदाब यांसारखे आजार झपाट्यानं वाढतात. तसेच वयस्कर व्यक्तींसाठी रोज 1600 ते 2000 मिली ग्रॅम एवढ्या मात्रामध्ये पोटॅशियमची गरज असते. अनेक प्रकारच्या भाज्या, फळं खाऊन पोटॅशियमचं प्रमाण योग्य राखल जाऊ शकत.
केळी, रताळे, नारळपाणी, किवी, संत्री, मोसंबी, टोमॅटो,गाजर,मशरूम यांसारख्या पदार्थांमध्ये पोटॅशियमचे प्रमाण जास्त असते. त्यामुळे सगळ्यांनी नियमित या पदार्थांचे सेवन केलं पाहिजे. रताळ्यांमध्ये सर्वात जास्त पोटॅशियम कॅल्शियम असते. आहारामध्ये नियमीत या पदार्थाचे सेवन केल्यास तूम्ही हृदयविकारासारख्या होणाऱ्या गंभीर आजारांपासून आपला बचाव करू शकता.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.