Ganesh Chaturthi 2025: तुमच्याही घरी गणपती बसणार आहे? बाप्पाची मूर्ती आणताना 'या' 7 नियमांचं पालन अवश्य करा

महाराष्ट्राचा सर्वात मोठा सण गणेशोत्सव आता अवघ्या काही दिवसांवर येऊन ठेपला आहे. हा सण केवळ महाराष्ट्रातच नव्हे तर संपूर्ण देशभरात मोठ्या थाटामाटात साजरा केला जातो. हिंदू धर्मात गणपती बाप्पा हे प्रथम पूज्य मानले जातात. कोणताही शुभ कार्य सुरू करण्यापूर्वी सर्वप्रथम गणेशाची पूजा केली जाते. म्हणूनच गणेशोत्सवाचे महत्व आणखी वाढते. श्रद्धेनुसार गणपती बाप्पाच्या कृपेने बुद्धी, सौभाग्य आणि यश मिळते.

गणेशोत्सव हा १० दिवस चालणारा सण आहे. यावर्षी २७ ऑगस्ट रोजी घराघरांत गणेशमूर्तीची स्थापना होते. त्यानंतर ६ सप्टेंबर रोजी गणपतींचं विसर्जन केलं जातं. जर तुम्ही यावर्षी घरी गणपती बसवण्याचा विचार करत असाल तर काही नियमांचं पालन करणं अत्यावश्यक आहे.

गणेशोत्सवातील महत्वाचे नियम

मातीची मूर्ती बसवा

गणेश चतुर्थीच्या दिवशी नेहमी मातीपासून तयार केलेली मूर्तीच घरात बसवावी. मातीच्या मूर्तीला शुभ मानलं जातं आणि यामुळे पर्यावरणालाही हानी पोहोचत नाही.

गणेशाची सोंड योग्य दिशेला असावी

गणेशमूर्ती घेताना लक्षात ठेवा की मूर्तीतील सूंड उत्तर दिशेला वळलेली असावी. ती सर्वात शुभ मानली जाते.

मूर्ती आणताना चेहरा झाकून ठेवा

बाजारातून मूर्ती आणताना शक्यतो मूर्तीचा चेहरा कापडाने झाकून ठेवा. याला शुभ मानले जाते.

मूर्तीची योग्य ठिकाणी स्थापना करा

गणेशमूर्ती घरातील ईशान्य कोनात (ईशान्य दिशेला) बसवणं सर्वात उत्तम मानलं जातं. जर ते ठिकाण उपलब्ध नसेल तर उत्तर-पूर्व दिशेतही स्थापना करता येतं.

गणेशसेवेसाठी सदस्य हजर असावा

गणेशमूर्ती बसवल्यानंतर घरातील एखादा सदस्य नेहमी गणपती बाप्पाच्या सेवेत असावा.

दररोज पूजा-अर्चा करा

स्थापनेनंतर रोज सकाळ-संध्याकाळ आरती करावी. बाप्पाला नैवेद्य दाखवावा, आसपासची जागा स्वच्छ व व्यवस्थित ठेवावी.

कलश आणि सात्त्विक आहार

मूर्तीच्या स्थापनेसोबत नारळ ठेवून कलशाची स्थापना करावी. तसंच गणपती घरात असताना नेहमी सात्त्विक अन्नच बनवावं.

(Disclaimer - या ठिकाणी दिलेली माहिती शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)