Liver Cancer Risk: कंबरदुखी वाढत चाललीये? लिव्हर कॅन्सरचा धोका नाही ना? वाचा लक्षणे

बदलत्या जीवनशैलीमुळे खाण्यापिण्याची सवयी सुद्धा बदलतात. त्यामुळे डायबिटीज, लठ्ठपणा, हाय ब्लड प्रेशर, व्यायाम टाळणे, धुम्रपान करणे या सवयींमध्ये वाढ होते. यामुळे तुम्हाला लिव्हर कॅन्सरच्या समस्येला सामोरे जावे लागू शकते. आतंरराष्ट्रीय आरोग्यतज्ज्ञांच्या मते, २०५० पर्यंत हा आजार दुप्पट वाढू शकतो. त्यामुळे त्याची वेळीच लक्षणे ओळखून उपचार करणे गरजेचे आहे.

कॅन्सर होण्याची प्रमूख कारणे

लठ्ठपणा, हाय ब्लड प्रेशर, हाय शुगर लेव्हल, धुम्रपान, औषधांचा गैरवापर आणि पाणी यामुळे कॅन्सरचा धोका वाढू शकतो. त्यातीलच गंभीर लक्षण म्हणजे लघवीतून रक्त येणे. जर तुम्हाला ही समस्या जाणवत असेल तर तुम्हाला कॅन्सरचा धोका असू शकतं. यामध्ये तुम्हाला वेदना होत नाहीत म्हणून तुम्ही दुर्लक्ष करत असाल तर हा धोका तुमच्या जीवावर बेतू शकतो.

लिव्हर कॅन्सरमध्ये लिव्हरमधील पेशींची मोठ्या संख्येने वाढ होते. ती पुढे शरीराच्या इतर भागांमध्ये पसरत जाते. याचे रुपांतर कॅन्सरमध्ये होते. याची हालचाल किंवा वाढ तुम्हाला सहज जाणवत नाही. याची लक्षणे वेगळी असतात.

कॅन्सरच्या लक्षणांमध्ये पाठ दुखी, कंबरदुखी, भूक न लागणे, सतत थकवा आणि अशक्तपणा जाणवणे, ताप येणे ही लक्षणे जाणवतात. या सामान्य वाटणाऱ्या समस्यांकडे दुर्लक्ष केल्याने तुम्हाला भविष्यात मोठ्या धोक्याला सामोरे जावे लागू शकते.