Hyperpigmentation च्या समस्येवर रामबाण ठरेल मध, अशाप्रकारे करा वापर

Skin Care Tips :

चेहरा सुंदर दिसावा यासाठी आपण अनेक केमिकल उत्पादनांचा वापर करतो. परंतु, बरेचदा प्रदूषण, धूळ आणि इतर गोष्टींमुळे त्वचा खराब होऊ लागते. ज्यामुळे आपल्या त्वचेवर मुरुमे दिसू लागतात. चेहरा सतत तेलकट होतो. त्यातील सगळ्यात मोठी समस्या हायपरपिग्मेंटेशन.

हायपरपिग्मेंटेशन म्हणजे त्वचेवर (Skin) डाग. ज्यामुळे तुमच्या त्वचेचे सौंदर्य कमी होते. यामध्ये त्वचेवर काळे ठिपके जे मुरुम निघून गेल्यावरही त्वचेवर खूण म्हणून राहतात. यामुळे त्वचेवर डार्क सर्कल तयार होतात. यावर मात कशी करायची जाणून घेऊया.

1. हायपरपिग्मेंटेशन कशामुळे होते?

जेव्हा त्वचेच्या पेशी मेलेनिनचे जास्त उत्पादन करतात तेव्हा हायपरपिग्मेंटेशनची समस्या तयार होते. मेलॅनिन हा पदार्थ आपल्या त्वचेला रंग देतात. हायपरपिग्मेंटेशनच्या समस्येमुळे त्वचेचा रंग बदलतो.

2. कच्चे दूध आणि मध

हायपरपिग्मेंटेशन दूर करण्यासाठी कच्चे दूध (Milk) देखील फायदेशीर आहे. मधात मिसळून कापसाच्या मदतीने चेहऱ्याला लावा. किमान ५-१० मिनिटे ठेवा. नंतर हलक्या हातांनी मसाज केल्याने डाग दूर होतील.

3. मुलतानी माती आणि मध

हायपरपिग्मेंटेशनपासून मुक्त होण्यासाठी मुलतानी माती आणि मध मिसळून लावा. मुलतानी माती देखील उन्हाळ्यात (Summer Season) त्वचेला थंडावा देते. हा पॅक बनवण्यासाठी एका भांड्यात दोन चमचे मुलतानी माती घ्या, त्यात मध घाला. पेस्ट बनवण्यासाठी गुलाबजल टाका. १० ते १५ मिनिटे चेहऱ्यावर लावा.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.