kesar sabudana kheer: नवरात्रीसाठी फक्त १० मिनिटांत बनवा केशर साबुदाणा खीर, वाचा ही सोपी रेसिपी

नवरात्री सणाला उपवासाचे व्रत केले जातात. नवरात्रीच्या उपवासात साबुदाण्याची खिचडी, साबुदाणा वडे, साबुदाणा खीर बनवली जाते. केशर साबुदाणा खीरेचा नैवेद्य देवी दाखवला जातो. नवरात्रीचा तिसरा दिवस चंद्रघंटा देवीला समर्पित आहे. चंद्रघंटा देवीची पूजा केल्यानंतर केशर साबुदाणा खीरेचा नैवेद्य दाखवला जातो. केशर साबुदाणा खीर बनवण्याची रेसिपी अत्यंत सोपी आहे.

केशर साबुदाणा खीर बनवण्यासाठी लागणारे साहित्य-

साबुदाणा, दूध, साखर, काजू, बदाम, किशमिश, केशर, वेलची, पिस्ता हे साहित्य घ्या.

केशर साबुदाणा खीर बनवण्याची कृती-

1) केशर साबुदाणा खीर बनवण्यासाठी सर्वप्रथम साबुदाणा धुवून १ तास भिजत घाला.

2) एका डिशमध्ये बदाम, पिस्ता आणि काजू बारीक चिरून घ्या. वेलची पावडर तयार करा.

3) गॅसवर एका भांड्यात दूध उकळून घ्या नंतर त्यात भिजवलेले साबुदाणा घाला शिजवून घ्या.

4) संपूर्ण मिश्रणात मनुका आणि केशर घालून एकजीव करा. यानंतर मंद आचेवर दूध चांगले उकळून घ्या.

5) साबुदाणा खीर तयार झाली क त्यात साखर, वेलची पावडर आणि ड्रायफ्रुट्स मिक्स करा.

6) खीर चांगली ३ ते ४ मिनिटे शिजवून घ्या अशाप्रकारे केशर साबुदाणा खीर सर्व्हसाठी तयार आहे.