बाथरूमच्या टाईल्स स्वच्छ कश्या करायच्या? महागड्या क्लिनरऐवजी सोपी घरगुती पद्धत समजून घ्या

घराच्या स्वच्छतेसाठी बाथरूमची स्वच्छता देखील महत्वाची आहे. बाथरूममध्ये नवीन टाईल्स लावल्या की त्या छान चमकतात, सुंदर दिसतात परंतु कालांतराने आपण नवीन टाईल्स लावतो तेव्हा त्या छान चमकतात, पण कालांतराने त्याची चमक कमी होते. साबणाचे डाग, ओलसरपणा आणि घाण हळूहळू टाईल्सवर जमा होते त्यामुळे त्याची चमक कमी करते. यासाठी उपाय म्हणून महागडे क्लिनर विकत घेऊन स्वच्छ करतात पण तरीही हे डाग काही जात नाही.

पण तुम्हाला माहितीये का? यासाठी तु्म्ही क्लिनर घेण्याऐवजी तुम्ही काही घरगुती उपाय देखील करून पाहू शकता. घाण झालेल्या बाथरूमच्या टाईल्स चमकवण्यासाठी नेमकं काय केले पाहिजे? ही सोपी पद्धत आज आम्ही तुम्हाला सांगणार आहोत ती जाणून घ्या.

फरशी स्वच्छ करण्यासाठी लागणारे साहित्य एकत्र वॉशिंग पावडर, इनो, हार्पिक टॉयेलट क्लिनर, कपडे धुण्याचा ब्रश, स्क्रबर हे साहित्य तयार ठेवा. क्लिनिंग लिक्विड कसे तयार करायचे? सर्वातआधी, एका भांड्यात ३ चमचे वॉशिंग पावडर टाका. त्यानंतर, त्यात इनोचे एक पाकीट टाका. मग, थोडे हार्पिक टॉयलेट क्लीनर घालून सर्व मिश्रण व्यवस्थित एकत्र करा. या मिश्रणाला फेस येऊ लागेल, ज्यामुळे घाण कमी होण्यास मदत होईल.

टाईल्स स्वच्छ कश्या करायच्या?

टाईल्सवर जिथे सर्वात जास्त घाण साचली आहे, तिथे क्लिनिंग लिक्विड ओतून ठेवा. नंतर, कपड्यांच्या ब्रशने सर्व ते पसरवा. लिक्विड टाकल्यानंतर, ते अर्धा ते पाऊन तास तसेच ठेवा यामुळे टाईल्सवरचे हट्टी डाग कमी होण्यास मदत होईल. त्यानंतर, ब्रशने टाईल्स स्वच्छ घासा. टाईल्सवरचे हट्टी डाग निघत नसतील तर स्टीलचा स्क्रबर वापरा. ​​हळूहळू, घाण कमी होईल आणि फरशी पुन्हा नव्यासारखी चमकेल.