Honor 90 5G सह जवळपास तीन वर्षांनंतर Honor ने भारतीय बाजारपेठेत पुन्हा प्रवेश केला आहे. हा फोन 200-मेगापिक्सेल कॅमेरासह येतो आणि यात फास्ट चार्जिंग बॅटरी देण्यात आली आहे. भारतात फोनची विक्री सोमवार, 18 सप्टेंबरपासून सुरू होणार आहे.
जर तुम्ही नवीन फोन घेण्याचा विचार करत असाल तर हा सर्वोत्तम पर्याय ठरू शकतो. लॉन्चच्या वेळी कंपनीने सांगितले होते की, भारतात फोनला दोन वर्षांचे अँड्रॉइड अपडेट्स आणि तीन वर्षांचे सिक्युरिटी अपडेट्स दिले जातील. याबद्दल अधिक माहिती जाणून घेऊ...
कंपनीने Honor 90 5G चे दोन प्रकार भारतात लॉन्च केले आहेत. त्याच्या 8GB रॅम आणि 256GB स्टोरेज मॉडेलची किंमत 37,999 रुपये आहे तर 12GB रॅम आणि 512GB स्टोरेज मॉडेलची किंमत 39,999 रुपये आहे. हा फोन डायमंड सिल्व्हर, एमराल्ड ग्रीन आणि मिडनाईट ब्लॅक कलरमध्ये उपलब्ध असेल. (Latest Marathi News)
मोफत मिळणार इअरबड्स
फोनची विक्री 18 सप्टेंबर रोजी दुपारी 12 वाजता सुरू होत आहे. ग्राहक हा फोन Amazon वरून खरेदी करू शकतात. लॉन्च ऑफरचा भाग म्हणून, कंपनी 3,000 रुपयांचा कॅशबॅक, 2,000 रुपयांचा एक्सचेंज बोनस आणि फोनवर 5,000 रुपयांची लॉन्च सूट देत आहे, त्यानंतर 8GB रॅम व्हेरिएंटची किंमत 27,999 रुपये असेल आणि 12GB रॅम मॉडेलची किंमत 29,999 रुपये असेल. कंपनी फोनसोबत फ्री इयरबड देखील देत आहे.
Honor 90 5G चे स्पेसिफिकेशन
फोन 6.7-इंचाच्या AMOLED डिस्प्लेसह येतो, जो 1.5K (2664x1200 पिक्सेल) रिझोल्यूशन, 120Hz रिफ्रेश रेट आणि 1600 nits पीक ब्राइटनेसला सपोर्ट करतो. फोन Qualcomm Snapdragon 7 Gen 1 प्रोसेसरने सुसज्ज आहे आणि 12 GB पर्यंत रॅम आणि 256 GB पर्यंत स्टोरेजसह येतो. हा फोन Android 13 OS वर आधारित Magic OS 7.1 वर काम करतो.
फोटोग्राफीसाठी फोनमध्ये तीन कॅमेरे देण्यात आले आहेत. ज्यामध्ये ऑनर इमेज इंजिन सपोर्टसह 200-मेगापिक्सेलचा प्रायमरी सेन्सर, अल्ट्रा-वाइड-एंगल लेन्ससह 12-मेगापिक्सेल सेन्सर आणि मॅक्रो लेन्ससह 2-मेगापिक्सेलचा सेन्सर समाविष्ट आहे. सेल्फी आणि व्हिडिओ कॉलसाठी फोनमध्ये 50-मेगापिक्सेल सेन्सर आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.