Teeth Whitening Tips: दातांचा पिवळेपणा काही केल्या जात नाही? हे घरगुती उपाय करुन पाहा, मोत्यासारखे चमकतील

आपले दात पिवळे असतील तर आपल्याला सगळ्यांसमोर हसून बोलायला जमत नाही. त्यामुळे याचा बराच विचार करावा लागतो. दात साफ करण्यासाठी कितीही महागड्या टूथपेस्टचा वापर केला तरी दात हे पिवळेच दिसू लागतात.

डॉक्टरांच्या मते किमान दिवसातून दोन वेळा तरी ब्रश करायला हवा. दात सतत पिवळे पडण्याची अनेक कारणे असू शकतात. त्यातील एक कॅल्शियमची कमतरता किंवा यकृताच्या समस्येमुळे दात पिवळे पडतात. याशिवाय धुम्रपान, तंबाखू, कोल्ड्रिंक्स सोडा, चहा, कॉफी यांचे अतिसेवन केल्यानेही दात पिवळे पडतात.

जर तुम्हालाही दातांना मोत्यासारखे चमकव्याचे असतील तर काही घरगुती उपाय (Home Remedies) करुन तुम्ही त्यांना पांढरे शुभ्र करु शकता. जाणून घेऊया त्याबद्दल

1. लिंबू, मीठ आणि बेकिंग सोडा

एक चमचा बेकिंग सोडा, लिंबाचा रस आणि थोडे मीठ मिसळा आणि टूथब्रशच्या मदतीने दातांवर घासा. पाच मिनिटांनी थंड पाण्याने (Water) दात स्वच्छ करा. यामुळे दात चमकण्यास मदत होईल.

2. नारळाचे तेल

खोबऱ्याच्या तेलाने (Coconut Oil) दातांना मसाज करा. नंतर काही वेळ तसेच राहू द्या. थंड पाण्याने तोंड स्वच्छ धुवा. नारळाच्या तेलामध्ये असणारे घटक प्लक मध्ये निर्माण झालेले बॅक्टेरिया नष्ट करण्यास मदत करतात.

3. संत्र्याची साल

संत्र्याच्या सालीचा पावडर पाण्यात मिसळून त्याची पेस्ट तयार करा. ब्रशच्या मदतीने दात घासा. असे नियमित केल्याने दात स्वच्छ होण्यास मदत होते.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.