दरवर्षी होळीचा सण मोठ्या थाटामाटात आणि आनंदाने साजरा केला जातो. परंतु त्यापूर्वी, फाल्गुन महिन्याच्या पौर्णिमेच्या दिवशी होलिका दहन साजरा करण्याची परंपरा आहे. यावेली वाईटावर चांगल्याचा विजय होतो, असं म्हणतात. होलिका दहनाच्या दिवशी, घराच्या अंगणात किंवा कोणत्याही मोकळ्या जागेत होळीचं दहन केलं जातं आणि पूजा केल्यानंतर काही नियमांचे पालन केलं जातं.
घरातील नकारात्मकता दूर करण्यासाठी होळीच्या अग्नीत काय टाकावं याबद्दल प्रत्येकाचं वेगळं मत असतं. तरी होळीमध्ये कोणत्या गोष्टी टाकू नयेत हे फार कमी लोकांना माहिती आहे. होळीमध्ये कोणत्या गोष्टी टाकण्यास मनाई आहे ते पाहूयात.
या वर्षी ३ मार्च २०२५ रोजी, फाल्गुन पौर्णिमेच्या दिवशी संध्याकाळी होळी साजरी केली जाते. तर ४ मार्च रोजी रंगांची होळी खेळली जाते. होलिका दहनाच्या दिवशी पूजा करून काही पवित्र वस्तू होळीत टाकण्याची प्रथा आहे. दरम्यान काही वस्तू होळीमध्ये टाकू नयेत, कारण यामुळे घरात नकारात्मकता येऊ शकते.
शहाळं, सुकलेली फुले, अर्धा तांदूळ, सुकी फळे, तुळशीची पानं, पिंपळाची पानं होळीमध्ये टाकू नयेत. तसंच वड, आंबा आणि शमी यासारख्या झाडाचं लाकूड, चामड्याच्या वस्तू, प्लास्टिकच्या वस्तू, तुटलेल्या वस्तू, खराब झालेल्या वस्तू, जुने झाडू, घाणेरडे कपडे, काचेच्या वस्तू, चोरीच्या वस्तू होळीत अर्पण करू नयेत.
देवाचं ध्यान करा आणि नंतर होळी दहनाना नमस्कार करा. यानंतर, सर्व वस्तू एक-एक करून अग्नीत टाका. तूप, फुलं, शेणाच्या गोळ्या, सुका नारळ, लवंग, गव्हाच्या शेंगा, नवीन पिकाच्या शेंगा, हरभरा शेंगा, गुलाल, मिठाई, काळे तीळ ते पिवळ्या मोहरी, कापूर, हंगामी फळे, हळदीचा गोळा, गंगाजलाचे काही थेंब, रोली, कच्चा धागा, बार्ली आणि अक्षता. या गोष्टी होळीमध्ये टाकण्यास शुभ मानल्या जातात.
(Disclaimer - या ठिकाणी दिलेली माहिती शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.