Holi 2024 : होळीला भद्राचं सावट! होलिका दहन करण्यासाठी शुभ मुहूर्त कधी?

Holi 2024 Puja, Muhurt :

फाल्गुन महिन्यातील शुक्ल पक्षाच्या पौर्णिमेला होळीचा सण (holi festival) साजरा केला जातो. यंदा हा सण २४ मार्चला साजरा करण्यात येईल. हा सण फाल्गुन महिन्याच्या शेवटच्या दिवशी साजरा केला जातो म्हणून याला फाल्गुनोत्सव असे म्हणतात.

होलिका दहन चंद्रग्रहणासोबतच भद्रा नक्षत्र असणार आहे. वसंत ऋतूचे स्वागत करण्यासाठी हा उत्सव साजरा केला जातो. हा दिवस वाईटावर चांगल्याच्या विजयाचे प्रतीक आहे. हा सण उत्तर भारतामध्ये (India) उत्साहाने साजरा (Celebrate) केला जातो. याला वेगवेगळ्या नावाने ओळखले जाते. यंदा होळीला भद्रा नक्षत्राचे सावट असल्यामुळे शुभ मुहूर्त हा २ तासांचा असणार आहे.

1. होलिका दहन तारीख आणि वेळ

• पौर्णिमा तिथी २४ मार्च २०२४ - सकाळी ०९.५४ पासून सुरु होणार आहे.

• पौर्णिमा तिथी २५ मार्च २०२४ रोजी दुपारी १२.२९ वाजता संपेल.

धार्मिक मान्यतेनुसार भद्रकाल शुभ मानला जात नाही. या काळात पूजा आणि शुभ कार्य करता येणार नाही. पंचांगानुसार २४ मार्च रोजी सकाळी ०९.५४ वाजल्यापासून भद्रा सुरु होईल तर रात्री ११.१३ वाजता संपेल. २४ मार्च २०२४ रोजी ११.१४ ते १२. २० पर्यंत होलिका दहनाचा शुभ मुहूर्त आहे.

2. भद्राच सावट

पंचागानुसार २४ मार्च रोजी भद्रा नक्षत्राचे सावट ०६.३३ ते ०७.५३ पर्यंत राहिल तर त्यानंतर सायंकाळी ०७. ५३ ते १०.०६ पर्यंत सावट राहिल.

3. होलिका पूजनाचा मंत्र

• ओम होलिकाय नम:

• ओम प्रल्हादाय नम:

• ओम नृसिंहाय नम:

होलिका दहन करताना या मंत्राचा जप केल्याने मनातील नकारात्मकता, वाईच विचार दूर होतात. तसेच सुख-समृद्धी नांदेल.