![Holi 2024,Effective Tips To Remove Holi Color From Eyes](http://media.assettype.com/saamtv%2F2024-03%2F6fb0d5b9-f8cc-46c2-8653-60e80df1a22f%2FAdd_a_heading__12_.jpg?w=480&auto=format%2Ccompress&fit=max)
अवघ्या काही दिवसात होळीच्या रंगांची उधळण आपल्याला सर्वत्र पाहायला मिळेल. २४ मार्चला होळी आणि दुसऱ्या दिवशी २५ मार्चला धुलिंवदनाचा सण साजरा केला जाईल.
होळीचा रंग आपल्या आयुष्यात अनेक रंगीबेरंगी आनंद घेऊन येतो. सध्या बाजारात अनेक केमिकलयुक्त रंग पाहायला मिळतात. जे लवकर निघत नाही. यामुळे चेहरा (Skin) आणि केसांवरील रंग काढण्यासाठी आपण साबणाचा किंवा शाम्पूचा वापर करतो.
अनेक रंग खेळताना चुकून तो आपल्या डोळ्यात, कानात किंवा तोंडात गेला तर... अशावेळी काय कराल? डोळ्यांचे आणि इतर इंद्रियांची काळजी (Care) कशी घ्याला जाणून घेऊया.
1. होळीचा रंग तोंडात गेल्यावर काय होईल?
होळीच्या (Holi Festival) रंगांमध्ये अनेक केमिकलयुक्त घटक असतात ज्यामुळे आरोग्याला हानी होऊ शकते. चुकून हा रंग पोटात गेला तर उलट्या होऊ शकतात. याशिवाय तोंडाची संपूर्ण चव खराब होते. होळीचा रंग चुकून तोंडात गेला तर तोंड स्वच्छ धुवा. तसेच काहीही खाताना हात चांगले स्वच्छ धुवावेत. याशिवाय पाण्याने गुळणा करु शकता.
2. डोळ्यात रंग गेल्यावर...
होळीचे रंग डोळ्यात गेल्यावर जळजळ किंवा खाज येण्याची समस्या होऊ शकते. रंग डोळ्यात गेल्यावर त्वरीत थंड पाण्याने डोळे धुवा. थंड पाणी शिंपडल्यानंतर जळजळ होत असेल तर गुलाबपाणी वापरा. गुलाब पाण्याने डोळ्यांना थंडावा मिळतो. तसेच डोळ्यांवर बर्फ देखील चोळू शकतात.
3. रंग कानात गेल्यावर...
तज्ज्ञांच्या मते रंग कानात गेल्यास संसर्गाचा धोका वाढतो. होळी खेळताना चुकून तो कोरडा रंग कानात गेला असेल तर तो साफ करुन निघू शकतो. अशावेळी इअरबड्सचा वापर करु शकता. रंग काढता कान दुखत असेल किंवा जळजळ होत असेल तर डॉक्टरांचा सल्ला घ्या.
डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.