बदलेल्या जीवनशैलीनुसार आपल्या खाण्यापिण्याच्या सवयी बदलत जातात. शरीरातील रक्ताच्या कमतरतेमुळे अनेकदा थकवा, अशक्तपणा आणि चक्कर येण्याची समस्या जाणवू शकते.
जर आपल्या रक्तात हिमोग्लोबिनची कमतरता असेल तर शरीरात (Health) अशक्तपणा येतो आणि दैनंदिन जीवनातील सामान्य कामे करणे कठीण होते. हिमोग्लोबिन हे लोह-आधारित प्रथिने रक्त पेशींमध्ये असते. जे शरीराच्या सर्व अवयवांना ऑक्सिजन पोहोचवण्याचे काम करते. यासाठी तुम्हाला काही लोहयुक्त पदार्थांचे सेवन करावे लागेल, तरच हिमोग्लोबिनच्या कमतरतेवर मात करणे शक्य होईल. अशा परिस्थितीत तुमच्यासाठी कोणते ड्रायफ्रुट्स फायदेशीर (Benefits) ठरू शकतात हे जाणून घेऊया.
अक्रोड
अक्रोड हे एक असे ड्रायफ्रूट आहे ज्यामध्ये पोषक तत्वांची कमतरता नसते. मूठभर सोललेल्या अक्रोडातून शरीराला सुमारे ०.८२ मिलीग्राम लोह मिळते. जर हिमोग्लोबिनची कमतरता असेल तर दररोज अक्रोडाचे सेवन करावे.
पिस्ता
मूठभर पिस्त्यामध्ये १.११ मिलीग्राम लोह असते. नियमित आहारात याचा समावेश केल्यास शरीरात लोहाचे प्रमाण वाढते, ज्यामुळे हिमोग्लोबिनची कमतरता दूर होते.
काजू
अनेक मिठाई आणि पाककृतीमध्ये काजूचा वापर केला जातो, मूठभर काजूमध्ये सुमारे १.८९ मिलीग्राम लोह असते. लोह आणि हिमोग्लोबिनच्या कमतरतेवर मात करण्यासाठी हा एक प्रभावी उपाय आहे.
बदाम
आपण रोज बदाम खावेत असे अनेकदा म्हटले जाते, परंतु जर तुमचे शरीर हिमोग्लोबिनच्या कमतरतेमुळे अशक्त झाले असेल तर दररोज सकाळी भिजवलेले बदाम तुमच्यासाठी खूप फायदेशीर ठरू शकतात.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.