Health tips : शरीर सुदृढ ठेवण्यासाठी योगासने करताय ? जाणून घ्या त्याच्याबद्दल महत्त्वाच्या गोष्टी

मुंबई : आपल्या रोजच्या धावपळीच्या जीवनशैलीत स्वत : ला फिट ठेवण्यासोबत आपल्या मानसिक व शारीरिक आरोग्यारकडे लक्ष देणे अधिक गरजेचे आहे. आपले शरीर सुदृढ ठेवण्यासाठी आपल्या आरोग्याकडे लक्ष द्यायला हवे.

हे देखील पहा -

वाढलेले वजन असो किंवा आपल्या फिट राहयचे म्हणून आपण केलेला व्यायाम, योगासने आपल्याला अधिक फायदेशीर ठरले जातात. अनेक योगासने अवघ्या अर्ध्या तासात शरीर निरोगी बनवण्यास मदत करतात. योगामुळे शरीराला दिवसभर काम करण्याची ऊर्जा मिळते. योगासने शरीरासाठी खूप महत्त्वाची आहेत. नियमित योगासने केल्याने शरीर आणि मन दोन्ही निरोगी राहतात.

शरीराशी संबंधित सर्व प्रकारच्या समस्यांवरही योगाच्या मदतीने मात करता येते. योगासने करण्यापूर्वी अनेक गोष्टींची काळजी घेणे आवश्यक आहे. चला जाणून घेऊया योगाशी संबंधित नियम

१. योग करण्यासाठी नेहमी अशी जागा निवडा, जिथे शांततेसह स्वच्छता असेल आणि मोकळी जागा असेल. योगासन करताना आजूबाजूचे वातावरण चांगले असेल तर मनाला शांती लाभते. पण खूप जोराचा वारा, कूलर, एसी खाली योगासने अजिबात करू नका.

२. योग ज्या ठिकाणी करणार असाल तर चटई किंवा जागा सपाट असायला हवी. स्थान उंच-नीच असल्यास योगासने करण्यात अडचण येऊ शकते. योगा करताना नेहमी योगा मॅटचा वापर करा.

३. योगा करताना घट्ट आणि अतिशय लहान कपडे घालू नका. सैल आणि आरामदायी कपडे घाला. यामुळे योगासने (Yogasan) करताना कोणतीही अडचण येणार नाही.

४. योग कराल तेव्हा पोट रिकामे असायला हवे हे लक्षात ठेवा. यामुळे जास्त फायदा होईल. अन्न खाल्ल्यानंतर योगासने करत असाल तर जेवण आणि योगामध्ये किमान तीन तासांचे अंतर असायला हवे याचे भान ठेवा.

५. योगासने करण्याची काही विशिष्ट वेळ नाही, पण अन्न खाल्ल्यानंतर लगेच योगासने करू नयेत. योगा करण्यासाठी सकाळ किंवा संध्याकाळची वेळ (Time) निवडा. यावेळी योगासने केल्याने शरीराला अधिक ऊर्जा मिळते

शरीर निरोगी ठेवण्यासाठी योगासने करण्यापूर्वी या सर्व महत्त्वाच्या गोष्टी लक्षात ठेवा जेणेकरून शरीराला कोणत्याही प्रकारे नुकसान होणार नाही.

Edited By - Komal Damudre