Ganpati Festival Recipe : गणरायाला सर्वात प्रिय असा पंचकजाया, झटपट बनेल !

गणपतीला मोदक- लाडू व गोडाचा नैवेद्य ठेवला जातो पण त्याच बरोबर गणेशाला पंचकजायाचा देखील प्रसाद ठेवला जातो.
Ganpati Festival Recipe
Ganpati Festival RecipeSaam Tv

Ganpati Festival Recipe : सध्या गणेशोत्सवाचा काळ सुरु आहे. सर्वत्र भक्तीमय असे वातावरण झाले असून गणेशाचा जयजयकार सुरु आहे. या काळात गणपतीची मनोभावे पूजा केली जाते व त्याची कृपादृष्टी आपल्या सर्वांना राहू देत अशी प्रार्थना केली जाते.

गणपतीला मोदक- लाडू व गोडाचा नैवेद्य ठेवला जातो पण त्याच बरोबर गणेशाला पंचकजायाचा देखील प्रसाद ठेवला जातो. पंचा हा संस्कृत शब्द आहे. पंचकजाया हा सगळ्या टेस्टी व पाच पदार्थांपासून बनवलेला पदार्थ आहे.

Ganpati Festival Recipe
Ganesh Chaturthi Special : पौष्टिक व चविष्ट नाचणी- न्युट्रेला मोदक ; नक्की ट्राय करा, बाप्पाला आवडेल...

पंचकजाया हा पदार्थ विशेषत: गणपतीच्या काळात बनवला जातो व असे मानले जाते हा गणपतीचा सर्वात प्रिय असा पदार्थ आहे. त्याला गोड पोहे किंवा पंचकजाया म्हणून ओळखले जाते. जाणून घेऊया त्याची रेसिपी.

साहित्य -

काजूचे तुकडे - १/२ वाटी

बदामाचे काप - १/२ वाटी

मणुके - १/२ वाटी

किसलेले ओले खोबरे - १ वाटी

गुळ - १ वाटी

पोहे - २ वाटी

तूप - २ ते ३ चमचे

वेलची पूड

कृती -

१. सर्वप्रथम पोहे चाळून घ्या. त्यानंतर गॅसवर पातेले ठेवून त्यात गूळ व अर्धा कप पाणी (Water) घाला. मंद आचेवर उकळून द्या.

२. दुसरीकडे पॅन ठेवून त्यात १/२ चमचा तूप घालून मंद आचेवर खोबरे (Coconut) भाजून घ्या व ते थंड होण्यास ठेवा.

Ganpati Festival Recipe
World Coconut Day 2022 : यंदाचा 'कोकोनट डे' बनवा खास, गणोबाला नैवेद्यात ठेवा 'हे' नारळाचे झटपट पदार्थ

३. पुन्हा पॅनमध्ये तूप घालून बदाम, काजू व मणुके परतवून घ्या. हे ड्रायफ्रुट्स भाजलेल्या खोबऱ्यात घाला. तयार झालेले गुळाचे पाक गाळून घ्या.

४. गुळाच्या पाकाला पुन्हा गॅसवर घेऊन त्यात वेलची पूड घाला व चांगले मिक्स करा. १ मिनिट उकळवून घ्या. त्याचे एकतारी पाक तयार झाल्यानंतर गॅसवरून खाली उतरवा व थंड होण्यास ठेवा.

५. गुळाचे पाणी कोमट झाल्यानंतर त्यात पोहे, खोबरे व ड्रायफ्रुट्सचे मिश्रण घालून चांगले एकजीव करा व प्रसादात ठेवा पंचकजाया.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com