Ganesh Chaturthi 2023 : गोल अन् मऊ बनतील बुंदीचे लाडू ही सोपी ट्रिक वापरा; पाहा रेसिपी, बाप्पाला आवडेल...

Boondi Laddu Recipe :

लवकरच गणपती बाप्पाचे आगमन घरोघरी होणार आहे. यंदा १९ सप्टेंबरला गणपती बाप्पा घरोघरी विराजमान होतील. महाराष्ट्रात गणपतीचे आगमन मोठ्या उत्साहात साजरे केला जाते.

या १० दिवसात बाप्पाला गणपतीला नैवेद्यात लाडू आणि मोदक दाखवला जातो. जर तुम्ही देखील बाप्पाला प्रसन्न करण्यासाठी लाडू ट्राय करत असाल तर बुंदीचा लाडू बनवू शकता, पाहा रेसिपी

1. साहित्य

• २ १/२ कप बेसन

• २ कप तूप

• केशर

• १ १/२ हिरवी वेलची

• १/२ खाण्याचा रंग

• ३ कप साखर (Sugar)

• २ कप पाणी (Water)

• ड्रायफ्रुट्स

2. कृती

• बेसन पीठात केशरी रंग आणि पाणी घालून भजीच्या पिठासारखे घट्ट भिजू द्या.

• त्यानंतर कढईत तूप गरम करुन घ्या.

• झाऱ्यावर डावभर पीठ टाकून कढईवर घाला आणि तुपात बुंदी पाडा. मंद आचेवर बुंदी कुरकुरीत तळा.

• त्यानंतर बुंदी एका ताटात काढा. त्यानंतर साखरेत अर्धा कप पाणी घालून एक तारी पाक बनवा. त्यात वेलची, केशर, ड्रायफ्रुट्स आणि बुंदी घाला.

• पाकात मुरल्यानंतर लाडू वळवायला घ्या. तयार होतील गोल आणि मऊ बुंदीचे लाडू.