Bone cancer symptoms : हाडांचा कॅन्सर झाल्यावर शरीरात होतात ४ मोठे बदल; दुर्लक्ष करणं पडेल महागात

आजकाल चुकीच्या जीवनशैलीमुळे अनेक आजार आपल्या मागे लागले आहेत. यामध्ये आजकाल कॅन्सरचं प्रमाणंही वाढलंय. लिव्हर, ब्रेस्ट कॅन्सरप्रमाणे आता बोन कॅन्सरच्या रूग्णांचं प्रमाणंही वाढलंय. बोन म्हणजेच हाडांचा कॅन्सरा हा एक धोकादायक आजार आहे. त्याची सुरुवातीची लक्षणं सामान्य समजून दुर्लक्षित केली जातात.

तज्ज्ञांच्या म्हणण्याप्रमाणे, हाडांच्या कॅन्सरची काही लक्षणं आहे जी आपण समजून घेतली पाहिजे. ही लक्षणं कोणती आहेत जी शरीरात दिसल्यास तुम्ही लगेच डॉक्टरांशी संपर्क साधला पाहिजे ते पाहूयात.

हाता-पायांमध्ये वेदना

हातपायांमध्ये सतत वेदना होणं हे बहुतेकदा चुकीच्या स्थितीत राहणं, स्नायूंवर जास्त दबाव असणं आणि चुकीच्या स्थितीत झोपणं याच्याशी संबंधित आहे. मात्र अनेकदा शरीरातील एखाद्या मोठ्या आजाराचं लक्षण देखील असू शकतं. यामधील वेदना तीव्र नसतात. ज्या हाडात ट्यूमर तयार होत आहे त्या हाडात वेदना जाणवू शकतात.

गाठ किंवा सूज

शरीराच्या कोणत्याही भागात गाठ किंवा सूज दिसून येणं हे देखील या कॅन्सरचं लक्षण असू शकतं. ही गाठ एखादी किरकोळ दुखापतीसारखी किंवा एखाद्या किड्याने चावा घेतला असेल अशी दिसू शकते. परंतु जर त्यात वेदना होत नसतील तर सावधगिरी बाळगली पाहिजे.

फ्रॅक्चर

हाडांचं फ्रॅक्चर बहुतेकदा कोणत्याही वयात होऊ शकतं. हे बहुतेकदा कॅल्शियमच्या कमतरतेमुळे किंवा दुखापतीमुळे होते. परंतु जर वारंवार फ्रॅक्चर होत असेल, किरकोळ दुखापतींमुळे हाडांना दुखापत होत असेल तर शरीरात विकसित होणाऱ्या धोकादायक आजाराचे लक्षण असू शकते.

थकवा

शरीरातील थकवा हा बहुतेकदा जास्त कामाचा ताण, झोपेचा अभाव यांच्याशी संबंधित असतो. परंतु सामान्य परिस्थितीत हा थकवा विश्रांतीने निघून जातो. हाडांच्या कॅन्सरच्या बाबतीत, विश्रांतीनंतरही या प्रकारचा थकवा कमी होत नाही. यामध्ये कॅन्सर हाडांच्या मज्जावर परिणाम करतो, जिथे रक्त पेशी तयार होतात.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत