Morning Healthy Breakfast : सकाळच्या हेल्दी नाश्त्यासाठी बनवा प्रोटीनयुक्त मुगलेट्, पाहा रेसिपी

Moonglet Recipe : सकाळच्या हेल्दी नाश्त्यासाठी महिलांना फार विचार करावा लागतो. त्यासोबतच नाश्ता चविष्ट देखील असायला हवा. त्यामुळे तुम्ही मूग डाळीपासून मुगलेट बनवू शकता. हा नाश्ता मुलांना नक्कीच आवडेल.

मुगलेट चविष्ट आणि पौष्टिकतेने परिपूर्ण आहे. हा पदार्थ (Food) बनवण्यासाठी अतिशय सोपा आहे. त्यामुळे कार्यालयीन महिलांसाठीही (Women) हा पदार्थ बनवणे कठीण जाणार नाही. मुगलेट आरोग्यासाठी खूप फायदेशीर आहेत. प्रथिने, कॅल्शियम, लोह यांचे भरपूर प्रमाण मुगलेट या अन्नपदार्थांमध्ये आहे. त्यामुळे हाडे मजबूत होतात आणि स्नायूंना होणारा त्रासही कमी होतो. चला तर मग जाणून घेऊया मुंगलेट्स ही चविष्ट रेसिपी बनवण्याची पद्धत.

1. साहित्य

• मुग डाळ – दोन वाट्या

• टोमॅटो (Tomato)– ½

• बीटरूट – ½

• सिमला मिरची – 2

• हिरवी मिरची – ½

• कांदा (onion) – 1

• आले – 1 टीस्पून

• हिरवी कोथिंबीर – ¼

• बेकिंग सोडा – 1 टीस्पून

• चाट मसाला – 1 टीस्पून

• हळद – ½ टीस्पून

• तेल – 4/5 चमचे

2. पद्धत

• मुंगलेट्स बनवण्यासाठी तुम्हाला सर्वप्रथम मूग डाळ पूर्णपणे धुवून दोन तासांसाठी पाण्यात भिजत ठेवावी लागेल.

• आता बीटरूट टोमॅटो आणि इतर भाज्या बारीक चिरून एका बाउलमध्ये ठेवा.

• त्यानंतर मूग डाळ मिक्सरमध्ये बारीक वाटून घ्या. आता त्यात आल्याचे तुकडे आणि सोबत थोडे पाणी घाला.

• मूग डाळ बारीक करून तयार केलेल्या पेस्टमध्ये हळद, बेकिंग सोडा घालून व्यवस्थित मिक्स करून घ्या.

• आता एका वाटीत तयार केलेले मिश्रण घेऊन तव्याच्या मध्यभागी टाका आणि गोलाकार पसरवून घ्या.

• आता थोडे शिजल्यानंतर त्यावर बारीक चिरलेला भाज्या ठेवा आणि नंतर चाट मसाला शिंपडा.

• त्यानंतर रोल बनवून दोन्ही बाजूने गोल्डन झाल्यानंतर गॅस बंद करा. हे तयार मुंगलेट्स तुम्ही टोमॅटो सॉस किंवा हिरव्या चटणी सोबत सर्व्ह करू शकता.