FD वर ९ टक्क्यांपेक्षा जास्त व्याज देत आहे 'ही' बँक, मात्र इतक्या दिवसांची करावी लागेल गुंतवणूक

FD News : सूर्योदय स्मॉल फायनान्स बँकने (SSFB) मुदत ठेवींवरील व्याजदरात बदल केला आहे. बँकेने २ कोटी रुपयांच्या मुदत ठेवींवरील (FDs) व्याजदर एक ते पाच वर्षांपर्यंत ४९ ते १६० बेस पॉइंट्सने (BPS) वाढवले ​​आहेत. बँकेने म्हटले आहे की, नवीन व्याजदर ५ मे पासून लागू झाले आहेत. बँक एफडीवर ९ टक्क्यांहून अधिक व्याज देत आहे. ज्येष्ठ नागरिकांना ५० बेसिस पॉइंट्सचे अतिरिक्त व्याज मिळेल.

FD News : ज्येष्ठ नागरिकांसाठी मिळणार अतिरिक्त व्याज

सूर्योदय स्मॉल फायनान्स बँक ९९९ दिवस आणि पाच वर्षांत मुदत ठेवींवर ९ टक्क्यांहून अधिक व्याज देत आहे. व्याजदरातील बदलानंतर बँक सर्वसामान्यांना एफडीवर ४.०० टक्के ते ९.१० टक्के व्याज देत आहे. बँक ७ वर्षे ते १० वर्षांच्या कालावधीसाठी २ कोटी रुपयांपेक्षा कमी एफडीवर ज्येष्ठ नागरिकांना ४.५० टक्के ते ९.६० टक्के व्याज देत आहे. (Latest Marathi News)

FD News : मार्चमध्येही वाढवले होते व्याजदर

सूर्योदय स्मॉल फायनान्स बँकेने यापूर्वी मार्च २०२३ मध्ये त्यांचे एफडी व्याजदर बदलले होते. त्यानंतर बँकेने ५ ते १० वर्षांच्या एफडीसाठी व्याजदर ७५ ते १२५ बेसिस पॉइंट्सने वाढवले ​​होते. याशिवाय बँकेने बचत खात्यावरील व्याजात २०० बेसिस पॉइंट्सने वाढ केली होती. SSFB आपल्या बचत खाते ग्राहकांना ५ लाख ते २ कोटी रुपयांच्या स्लॅबमध्ये ७.०० टक्के दराने व्याज देत आहे.

FD News : या बँकाही देत आहेत अधिक व्याजदर

SSFB व्यतिरिक्त, युनिटी स्मॉल फायनान्स बँक ज्येष्ठ नागरिक ग्राहकांसाठी १,००१ दिवसांच्या एफडीवर ९.५० टक्के व्याजदर देत आहे. तर इतरांसाठी बँक त्याच कालावधीच्या एफडीवर ९ टक्के दराने व्याज देत आहे. उत्कर्ष स्मॉल फायनान्स बँक आपल्या ज्येष्ठ नागरिकांसाठी ७०० दिवसांच्या एफडीवर एफडीवर ९ टक्के व्याजदर देखील देत आहे.तर इतरांसाठी त्याच कालावधीच्या ठेवींवर ८.२५ टक्के व्याजदर निश्चित केला आहे.