जर तुम्हाला घरबसल्या थिएटरची मजा हवी असेल आणि त्यासाठी मोठा टीव्ही घेण्याचा विचार करत असाल तर ही बातमी तुमच्यासाठी आहे. एलिस्टाने आपला नवा 75 इंचाचा टीव्ही लॉन्च केला आहे.
कंपनीचा दावा आहे की, हा भारतातील सर्वात स्वस्त 75-इंचाचा टीव्ही आहे, जो अल्ट्रा-प्रीमियम QLED 4K डिस्प्लेसह येतो आणि WebOS TV वर चालतो. जर तुम्ही कमी बजेटमध्ये मोठा डिस्प्ले असलेला टीव्ही घेण्याचा विचार करत असाल तर तुमच्यासाठी हा एक उत्तम पर्याय असू शकतो. याचबद्दल अधिक माहिती जाणून घेऊ...
एलिस्टा 75-इंचाचा 4K QLED स्मार्ट टीव्ही वेबओएस युजर्स इंटरफेससह सुसज्ज आहे. यात एक मोठा 75-इंच 4K रिझोल्यूशन (3840x2160 पिक्सेल) QLED पॅनेल आहे. आधुनिक ऑडिओ आणि व्हिडिओ तंत्रज्ञानाने सुसज्ज, स्मार्ट टीव्ही तुमच्या लिव्हिंग रूममध्ये सिनेमा पाहण्याचा अनुभव देण्यासाठी डिझाइन केलेले आहे. (Latest Marathi News)
पॉवरफुल डिस्प्ले व्यतिरिक्त, टीव्ही डॉल्बी ऑडिओ सपोर्ट इमर्सिव्ह ऑडिओ सेटअप आहे. टीव्हीमध्ये 20W साऊंड आउटपुटसह स्पीकर सिस्टम आहे. हा टीव्ही तुम्ही भिंतीवर टांगू शकता किंवा टेबल टॉप स्टँड वापरून टेबलवर ठेवू शकता.
कंपनीचे म्हणणे आहे की, 75-इंचाचा QLED पॅनेल जबरदस्त Picture Quality आणि बेस्ट -इन-क्लास viewing अँगल प्रदान करते. MEMC @60 Hz तंत्रज्ञानामुळे, लो-फ्रेम रेट कंन्टेट देखील स्मूथ व्हिज्युअलचा आनंद घेता येतो. कनेक्टिव्हिटीसाठी टीव्ही 2T2R (ड्युअल बँड) तीन HDMI, दोन USB, AV इन, ऑप्टिकल आउट आणि इअरफोन पोर्टसह वाय-फाय आणि ब्लूटूथ 5.0 ने सुसज्ज आहे.
कानोपनिने या स्मार्ट टीव्हीची प्रारंभिक किंमत 1,59,999 रुपये इतकी ठेवली आहे. हा टीव्ही सर्व आघाडीच्या इलेक्ट्रॉनिक्स स्टोअर्स आणि ऑनलाइन प्लॅटफॉर्मवर उपलब्ध आहे. कंपनीच्या वेबसाइटनुसार, टीव्हीची एमआरपी 2,00,990 रुपये आहे. म्हणजेच हा टीव्ही कंपनी एमआरपीपेक्षा 40,991 रुपयांनी कमी किंमतीत विकत आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.