Brain Tumor Sign : ब्रेन ट्यूमर झालाय कसं ओळखायचं? सुरूवातीला दिसतात 'ही' लक्षणं

आपल्याला सर्दी, खोकला, ताप या आजारांची लक्षण त्वरित जाणवतात मात्र ट्यूमर सारख्या मोठ्या आजारांची लक्षण जाणवली तरी नागरिक त्याकडे दुर्लक्ष करतात. ट्यूमर कर्करोग असलेले आणि कर्करोग नसलेले दोन्हीही असू शकतात. ट्यूमरचा प्रकार काहीही असो, रुग्णाला कोणत्याही परिस्थितीत उपचारांची आवश्यकता असते. ब्रेन ट्यूमरची लक्षणे त्याचा आकार, स्थान आणि वाढीच्या आधारावर पाहिली जातात. सुरुवातीला ब्रेन ट्यूमरची लक्षणे खूपच किरकोळ असतात जी सामान्य आजारांसारखी वाटतात. तुम्हाला पुढील लक्षणांवरून एखाद्या व्यक्तीला ब्रेन ट्यूमर आहे की नाही हे कळू शकते.

मेंदूच्या ट्यूमरमध्ये डोकेदुखी सामान्य असते. कधीकधी ही वेदना सतत राहते आणि त्यामुळे हळूहळू रुग्णाची स्थिती गंभीर होते. मेंदूच्या ट्यूमरमुळे होणारी डोकेदुखी ही सामान्य डोकेदुखीपेक्षा वेगळी असते. मेंदूच्या ट्यूमरमध्ये सकाळी तीव्र डोकेदुखी होते, ज्यामुळे झोपेचा त्रास होतो. या प्रकारच्या डोकेदुखीमध्ये मेंदूमध्ये अस्वस्थता आणि जास्त दाब जाणवतो. कधीकधी ही डोकेदुखी धडधडणाऱ्या पद्धतीने जाणवते.

जेव्हा रुग्ण खोकतो, वाकतो किंवा कोणतेही काम करतो तेव्हा ब्रेन ट्यूमरमुळे तीव्र डोकेदुखी होते. या काळात, एस्पिरिन किंवा आयबुप्रोफेन सारखी औषधे वारंवार घेतल्यानेही फायदा होत नाही. जर तुम्हाला ब्रेन ट्यूमरचा त्रास होत असेल तर तुम्हाला अनेकदा मळमळ जाणवते.

जेव्हा ट्यूमर दृष्टी आणि श्रवण या मज्जातंतू केंद्रांजवळ असतो तेव्हा त्याचा पाहण्याच्या आणि ऐकण्याच्या क्षमतेवरही परिणाम होतो. अशा परिस्थितीत गोष्टी अस्पष्ट किंवा दुहेरी दिसू शकतात. या स्थितीने ग्रस्त असलेल्या लोकांना ऐकण्यातही अडचण येऊ शकते. खरं तर, ट्यूमर दृष्टी आणि श्रवण या मज्जातंतू केंद्रांवर दबाव आणतो, ज्यामुळे अशा समस्या उद्भवतात.

जर एखाद्याला अचानक अशक्तपणा, हात, पाय आणि चेहरा सुन्नपणा जाणवत असेल तर ही ब्रेन ट्यूमरची लक्षणे देखील असू शकतात. जर लोकांना चालण्यास त्रास होत असेल आणि चालताना ते वारंवार अडखळत असतील तर त्यांनी डॉक्टरांचा सल्ला घ्यावा. ब्रेन ट्यूमरच्या बाबतीत, कपड्यांना बटणे लावणे आणि लिहिणे यासारखी छोटी कामे करण्यातही खूप अडचण येतात. खरं तर, ब्रेन ट्यूमरमुळे, स्नायूंच्या हालचाली आणि संतुलनावर नियंत्रण ठेवणाऱ्या भागावर देखील परिणाम होतो. त्यामुळे अशी लक्षण जाणवल्यास त्वरित डॉक्टरांचा सल्ला घ्यावा.