Blood donation for health: रक्तदान केल्याने शरीराला मिळतात अनेक फायदे; 'या' आजारांचा धोकाही कमी होतो

अनेकदा लोक रक्तदान करण्यास घाबरतात. त्याचं मुख्य कारण म्हणजे त्यांना असं वाटतं की, रक्तदान केल्यामुळे त्यांच्या शरीरात रक्ताची कमतरता निर्माण होऊ शकते. या उद्देशाने, दरवर्षी १४ जून हा दिवस 'जागतिक रक्तदाता दिन' म्हणून साजरा केला जातो. जेणेकरून लोकांना रक्तदानाबद्दल जागरूक करता येईल.

जर तुम्हालाही रक्तदान करण्याची खूप भीती वाटत असेल, तर तुमच्या आतून ही भीती पूर्णपणे काढून टाका. कारण रक्तदान केल्याने तुमच्या शरीराला नुकसान होत नाही. उलट रक्तदानाचे प्रचंड फायदे आहेत. रक्तदान केल्याने अनेक गंभीर आजारांचा धोका देखील कमी होऊ शकतो. हे फायदे काय आहेत ते जाणून घेऊया.

हृदयाचं आरोग्य चांगलं ठेवा

रक्तदान केल्याने तुमचे हृदय निरोगी राहतं. रक्तदान केल्याने शरीरातील लोहाची पातळी नियंत्रित होते. कारण जास्त लोहामुळे हृदयावर दबाव येतो आणि हृदया संबंधीच्या समस्या जाणवतात. रक्तदान केल्याने हृदयविकाराचा झटका आणि स्ट्रोकचा धोका देखील कमी होतो.

कॅन्सरचा धोका होतो कमी

रक्तदान केल्याने यकृताचा कर्करोग, फुफ्फुसाचा कर्करोग आणि कोलोन कॅन्सर यांसारख्या कॅन्सरचा धोका कमी होतो. म्हणून जर तुम्हाला कॅन्सरचा धोका कमी करायचा असेल तर तुम्ही रक्तदान केलं पाहिजे.

चयापचय क्रिया एक्टिव्ह राहते

रक्तदान केल्याने सुमारे ६०० कॅलरीज बर्न होतात. यामुळे तुमचं वजनही नियंत्रणात राहतं. जर तुम्हाला तुमचं शरीर निरोगी ठेवायचं असेल तर रक्तदान करणं तुमच्यासाठी फायदेशीर ठरू शकतं. रक्तदान केल्याने तुमचं वजनच नियंत्रणात राहत नाही तर शरीरातील चयापचय क्रिया देखील एक्टिव्ह राहते.

नवीन ब्लड सेल्सला बनवा

ज्यावेळी तुम्ही रक्तदान करता तेव्हा तुमचं शरीर रक्ताची कमतरता भरून काढण्यासाठी नवीन रक्तपेशी पुन्हा निर्माण करण्याचं काम करतं. हे तुमच्या रक्तपेशींना उत्तेजित करतं. तुमच्या रक्तपेशी निरोगी आणि एक्टिव्ह ठेवतं. ते रक्तपेशी तयार करण्यास देखील मदत करतं.

मानसिक संतुष्टी मिळण्यास होते मदत

रक्तदान केल्याने तुमच्या शरीरालाच फायदा होत नाही तर तुम्हाला मानसिक समाधान देखील मिळण्यास मदत होते. ज्यावेळी तुम्ही एखाद्या गरजू व्यक्तीचे प्राण वाचवता तेव्हा ते तुम्हाला मानसिक समाधान देतं. शिवाय तुमचा ताणही कमी होतो.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत