Diwali Date 2023 : वसुबारस, धनत्रयोदशी आणि लक्ष्मी पूजन कधी? जाणून घ्या योग्य तिथी

Diwali Tithi 2023 :

दिवाळी म्हटलं की, आपल्याला सर्वत्र रोशनाई पाहायला मिळते. या दिवसात फटाके, रांगोळी आणि दिव्यांची आरास पाहायला मिळते. हिंदू धर्मात दिवाळी सणाला विशेष महत्त्व आहे.

वाईटावर चांगल्याचा विजय, अंधारावर प्रकाश आणि निराशेवर आनंद म्हणून दरवर्षी दिवाळी मोठ्या थाटामाटात साजरी केली जाते. दीपावली हा सण दिव्यांचा आरास म्हणून ओळखला जातो. पाच दिवसांच्या या सणात प्रत्येक दिवसाचे विशेष महत्त्व असते. भगवान राम आणि देवी सीता १४ वर्षांच्या वनवासानंतर अयोध्येत परतले होते. यंदा दिवाळी सण कधी आहे? वसुबारस, धनत्रयोदशी आणि लक्ष्मी पूजनाची योग्य तिथी कधी? जाणून घेऊया सविस्तर ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

आश्विन महिन्याच्या कृष्ण पक्षातील एकादशीपासून ते कार्तिक शुक्ल द्वितीया तिथी पर्यंत दिवाळी (Diwali) हा सण साजरा (Celebrate) केला जाईल. पूर्वीच्या काळी हा सण यक्षांचा उत्सव मानला जायचा. अंधार दूर करुन प्रकाशाचे अस्तित्व निर्माण करणारा दिवाळी सण (Festival) मानला जातो.

1. २०२३ मधील दिवाळी

• वसुबारस - आश्विन कृष्ण पक्ष एकादशी - गुरुवार ९ नोव्हेंबर, २०२३ (रमा एकादशी, गोवत्स द्वादशी)

• धनत्रयोदशी - आश्विन कृष्ण द्वादशी - शुक्रवार १० नोव्हेंबर, २०२३ (गुरुद्वादशी, धन्वंतरी जयंती, यमदीपदान)

• नरक चतुर्थी - आश्विन कृष्ण चतुर्दशी - रविवार १२ नोव्हेंबर, २०२३

• लक्ष्मीपूजन - आश्विन कृष्ण चतुर्दशी - रविवार १२ नोव्हेंबर, २०२३ अभ्यंगस्नान (अमावास्या प्रारंभ दुपारी २. ४४ मि)

• बलिप्रतिपदा - कार्तिक शुक्ल प्रतिपदा - मंगळवार १४ नोव्हेंबर, २०२३ कार्तिक मासारंभ

• दीपावली पाडवा - कार्तिक शुक्ल प्रतिपदा - मंगळवार १४ नोव्हेंबर, २०२३

• भाऊबीज - कार्तिक शुक्ल द्वितीया - बुधवार १५ नोव्हेंबर, २०२३ यमद्वितीया