Christmas 2024: ख्रिसमस स्पेशल प्लम केक कसा बनवायचा? या टिप्स फॉलो करून घरीच करा तयार

ख्रिसमला २५ तारखेपासून म्हणजे उद्यापासून सुरूवात होणार आहे. ख्रिसमस म्हटलं की फक्त देशातच नाही तर जगभरात जोरदार तयारी केली जाते. ही तयारी आता अंतिम टप्प्यात आहे. ख्रिसमसला घराघरामध्ये सजावट केली जाते, गोड पदार्थ तयार केले जातात. ख्रिसमसच्या दिवशी ज्याला महत्व असते तो म्हणजे केक.

ख्रिसमसमध्ये वेगवेगळ्या फेवरचे केक तयार केले जातात. या दिवशी केक खाण्याचाही ट्रेंड आहे. प्लम केकशिवाय हा दिवस पूर्ण होतच नाही. हा केक ड्रायफ्रुट्सचा वापर करून तयार केला जातो. घरच्या घरी अगदी झटपट हा केक कसा तयार करायचा याची सोपी रेसिपी आपण पाहणार आहोत....

प्लम केक बनवण्यासाठी लागणारे साहित्य -

- ड्राई फ्रूट्स

- ट्रूटी फ्रुटी - एक छोटी वाटी

- पिठी साखर - अर्धा कप

- दूध - एक कप

- रिफाइंड तेल - ६ चमचे

- व्हॅनिला एसेन्स - एक चमचा

- जायफळ पावडर - एक चमचा

- दालचिनी पावडर - अर्धा चमचा

- सुंठ पावडर - दोन चिमूटभर

- कोको पावडर - एक चमचा

- बेकिंग पावडर - अर्धा चमचा

- बेकिंग सोडा - पाऊण चमचा

- व्हाइट व्हिनेगर - दोन चमचे

- साखर - अर्धी वाटी

- गरम पाणी - एक वाटी

- संत्र्याचा रस - सहा चमचे

असा तयार करा प्लम केक -

प्लम केक बनवण्यासाठी आधी एक मोठे काचेचे भांडे घ्या आणि त्यात संत्र्याचा रस टाका, आता त्यात मनुके, बदाम, काजू, अक्रोड, ट्रुटी फ्रुटी आणि खजूर घालून मिक्स करा आणि अर्धा तास ते मिश्रण तसेच ठेवा. यानंतर कढईत साखर टाका आणि मंद आचेवर गरम करा, साखर वितळली की गॅस बंद करा. आता त्यात गरम पाणी घालून फेटून घ्या. आता तुमचे कारमेल सिरप तयार होईल.

आता एका भांड्यात दूध, व्हॅनिला इसेन्स आणि रिफाइंड तेल घालून मिक्स करा. यानंतर जायफळ पावडर, दालचिनी पावडर आणि सुंठ पावडर घालून मिक्स करा. आता मैदा, बेकिंग सोडा आणि कोको पावडर चाळणीतून चाळून घ्या. या मिश्रणात दूध घालून चांगले मिक्स करा. कारमेल सिरप आणि संत्र्याच्या रसात भिजवलेले कोरडे फळ घाला. संपूर्ण मिश्रण ब्लेंडरच्या मदतीने मिक्स करावे. आता तुमचा प्लम केक बॅटर तयार आहे.

आता कुकरमध्ये दोन कप मीठ घालून त्यावर केक किंवा इडली स्टँड ठेवा आणि गरम होऊ द्या. लक्षात ठेवा की कुकरच्या झाकणातून रबर आणि शिट्टी काढा. केकच्या पिठात दोन चमचे पांढरे व्हिनेगर घाला आणि चांगले मिसळा. केक बनवण्यासाठी टिनच्या तळाशी तेल आणि बटर पेपर लावा. आता त्यात केकसाठी तयार केलेले पीठ टाका.

पिठावर आणि मनुके वरून लावा. कुकर गरम झाल्यावर केक टिन कुकरमध्ये ठेवलेल्या स्टँडवर ठेवा. कुकरवर झाकण ठेवा. केकला पहिले १५ मिनिटे मध्यम आचेवर आणि नंतर ५० मिनिटे मंद आचेवर शिजू द्या. केक शिजला आहे की नाही ते टूथपिकच्या साहाय्याने चेक करा. केक तयार झाला असेल तर कुकरमधून बाहेर काढून हलक्या कपड्याने झाकून ठेवा आणि थंड होण्यासाठी ठेवा. आता स्वादिष्ट ख्रिसमस स्पेशल प्लम केकचा आनंद तुम्ही घेऊ शकता.