CBSE Class 10, 12 Admit Card: विद्यार्थ्यांनो, बोर्डाच्या परीक्षेचे हॉल तिकीट घेतलं का? प्रवेशपत्र कसे कराल डाउनलोड, जाणून घ्या महत्त्वाच्या सुचना

केंद्रीय माध्यमिक शिक्षण मंडळाने (CBSE) मंगळवार रोजी २०२६ च्या दहावी आणि बारावीच्या बोर्ड परीक्षांसाठी अधिकृतपणे प्रवेशपत्रे जारी केली. देशभरात १७ फेब्रुवारी रोजी परीक्षा सुरू होणार आहेत. देशभरात आणि परदेशात नोंदणी केलेल्या ४० लाखांहून अधिक विद्यार्थी परीक्षेला बसणार आहेत. केंद्रीय माध्यमिक शिक्षण मंडळाने (CBSE) २०२६ च्या बोर्ड परीक्षेसाठी CBSE इयत्ता १० वी आणि १२ वीसाठी प्रवेशपत्र त्यांच्या अधिकृत वेबसाइटवर प्रसिद्ध केली आहेत. विद्यार्थ्यांनी त्यांचे सीबीएसई २०२६ चे प्रवेशपत्र त्यांच्या शाळांमधून मुख्याध्यापकांची स्वाक्षरी घेणं आवश्यक आहे.

डाउनलोड कसे करायचे?

शाळेचे अधिकृत प्रवेशपत्र डाउनलोड करण्यासाठी खालील स्टेप्स फॉलो करा.

सीबीएसईची अधिकृत वेबसाइट cbse.nic.in ला भेट द्या.

"सीबीएसई इयत्ता १० वी आणि १२ वी प्रवेशपत्र २०२६" असे लिहिलेल्या लिंकवर क्लिक करा.

एक नवीन पेज उघडेल जिथे शाळेच्या अधिकृत त्यांच्या ओळखपत्रांचा वापर करून लॉग इन करावे.

आवश्यक तपशील भरा आणि सबमिट करा.

सर्व दहावी आणि बारावीच्या विद्यार्थ्यांचे प्रवेशपत्र स्क्रीनवर येईल.

हॉल तिकिटांची प्रिंटआउट घ्या. विद्यार्थ्यांनो त्यावर तुमच्या मुख्यध्यापकांची स्वाक्षरी घ्या.

परीक्षा हॉलमध्ये प्रवेश करण्यासाठी हॉल तिकीट आवश्यक आहे. विद्यार्थ्यांना सर्व परीक्षेच्या दिवशी त्यांचे ओळखपत्र सोबत बाळगणे आवश्यक असेन.

महत्त्वाच्या परीक्षा तारखा

२०२६ च्या बोर्ड परीक्षा सकाळी १०:३० पासून एकाच शिफ्टमध्ये घेतल्या जातील.

यावर्षी दहावीच्या परीक्षा दोन टप्प्यात होतील. पहिला टप्पा मार्चमध्ये संपेल.

इयत्ता १० वी: १७ फेब्रुवारी २०२६, ११ मार्च २०२६, गणित (१७ फेब्रुवारी), इंग्रजी (२१ फेब्रुवारी), विज्ञान (२५ फेब्रुवारी).

इयत्ता १२ वी: १७ फेब्रुवारी २०२६, १० एप्रिल २०२६, भौतिकशास्त्र (२० फेब्रुवारी), रसायनशास्त्र (२८ फेब्रुवारी), गणित (९ मार्च)

Note: सीबीएसईने ३ मार्च रोजी होणाऱ्या मूळ परीक्षांचे वेळापत्रक बदलले आहे. त्या दिवसाचे दहावीचे विषय ११ मार्च रोजी, तर बारावीचे विषय (कायदेशीर अभ्यासांसह) १० एप्रिल रोजी होतील.