Calcium Deficiency Women: महिलांनो, ही ६ लक्षणे दिसतायेत? वेळीच उपचार करा, अन्यथा गंभीर आजार झाला म्हणून समजा

महिला या दिवसभरात कामाच्या धावपळीत स्वत:च्या कितीतरी समस्या दूर करतात. घरातले जेवण, साफसफाई, मुलांच्या शाळा, स्वत:च काम, कामासाठी प्रवास अशा गोष्टींमध्ये महिलांची दमछाक होते. त्यामुळे महिलांना कमी वयातच स्नायुंच्या समस्यांना सामोरे जावे लागते. त्यासाठी आवश्यक असणारे कॅल्शियम हे फक्त हाडांसाठी आवश्यक नाही, तर ते आपल्या शरीराच्या अनेक क्रियांमध्ये महत्त्वाची भूमिका बजावतात. हृदयाची धडधड, स्नायूं दुखणे, नर्व्ह सिग्नल्स आणि रक्तात गाठी तयार होणे या सगळ्या गोष्टींसाठी कॅल्शियम आवश्यक आहे. विशेषतः महिलांसाठी मासिक पाळी, प्रेग्नंसीच्या वेळेस आणि रजोनिवृत्तीच्या काळात कॅल्शियमचे प्रमाण योग्य ठेवणे अत्यंत गरजेचे असते.

कॅल्शियमची कमतरता झाल्यास खालील ६ लक्षणे दिसू शकतात

१. स्नायूंदुखी

सांधे दुखी ही समस्या महिलांमध्ये मोठ्या प्रमाणात पाहायला मिळते. कॅल्शियम कमतरता असल्याने स्नायूंना योग्य प्रकारे त्यांचे कार्य करता येत नाही. त्यामुळे पाय, हात, किंवा चेहऱ्याच्या स्नायूंमध्ये अचानक आकडी येऊ शकते.

२. मुंग्या येणे.

हात, पाय तोंडाभोवती मुंग्या येणे ही समस्या तुम्हाला यामध्ये निर्माण होऊ शकते. कॅल्शियम नर्व्ह सिग्नलसाठी महत्त्वाचे असते. कमी झाल्यास हाता-पाया झिणझिण्या येतात, सुन्नपणा जाणवतो असे त्रास होतात.

३. थकवा आणि कमजोरी जाणवणे.

सतत दमल्यासारखे वाटणे, ऊर्जेचा अभाव, किंवा अशक्तपणा हेही कॅल्शियमच्या कमतरतेचे चिन्हं असू शकतात.

४. त्वचा कोरडी होणे.

त्वचा कोरडी होणे, केस गळणे आणि नखं तुटणे ही कॅल्शियम कमरतेची लक्षणे असू शकतात. कॅल्शियम कमी झाल्यास त्वचा निस्तेज होते, केस कोरडे होऊन तुटतात आणि नखं कमजोर होतात.

५. दातांचे आजार आणि इनेमल कमजोर होणे.

शरीरातील कॅल्शियम कमी झाल्यास ते हाडांमधून घेतले जाते. त्यामुळे दातांच्या इनेमलचा थर कमजोर होतो, दात सैल होतात आणि कीड लागू शकते.

६. हाडांमध्ये वेदना होणे.

हाडांचा कॅल्शियम कमी झाल्यास हाडं पोकळ होतात. त्यामुळे हाडंदुखी, सांधेदुखी आणि वारंवार फ्रॅक्चर होणे शक्य आहे.