पायाच्या अंगठ्यात वेदना होणे सामान्य बाब नाही
सतत वेदना किंवा सूज असल्यास डॉक्टरांचा सल्ला घ्या
पायाच्या अंगठ्यात वेदना होणे शरीरातील कमतरतेचे लक्षण आहे
पायाच्या अंगठ्यात वेदना होणे ही सामान्य वाटणारी समस्या नाही. अनेकदा चालताना, पाय जमिनीवर ठेवताना किंवा चप्पल-बूट घालताना अंगठ्यात वेदना जाणवतात. काही वेळा अंगठ्याला सूज येते, लालसरपणा दिसतो किंवा अंगठा हलवतानाही त्रास होतो. शरीरातील काही पोषक घटकांची कमतरता हे यामागील एक संभाव्य कारण असू शकते.
शरीरात व्हिटॅमिन B12 ची कमतरता असल्यास मज्जासंस्थेवर परिणाम होऊ शकतो. त्यामुळे पायांमध्ये मुंग्या येणे, जळजळ होणे, बधिरपणा आणि टोचल्यासारख्या वेदना जाणवू शकतात. पायांच्या बोटांमध्ये मुंग्या येतात. पाय सुन्न पडल्यासारखे वाटते. चालताना तोल जातो. पायांमध्ये जळजळ किंवा टोचल्यासारखे वाटते.
व्हिटॅमिन D शरीरातील हाडांचे आरोग्य आणि कॅल्शियमचे शोषण यासाठी महत्त्वाचे असते. याची कमतरता असल्यास हाडे आणि स्नायूंमध्ये वेदना जाणवू शकतात. काही वेळा अशक्तपणा आणि हाडांची दुखणीही जाणवतात. हाडांमध्ये वेदना होते. स्नायू कमकुवत होतात. पाय दुखणे आणि थकवा जाणवतो. चालताना किंवा जिने चढताना त्रास होतो.
पायाच्या अंगठ्यात अचानक तीव्र वेदना होण्यामागील महत्त्वाचे कारण म्हणजे गाऊट (Gout). रक्तातील युरिक ॲसिडचे प्रमाण वाढल्यास सांध्यांमध्ये त्याचे स्फटिक जमा होऊ शकतात. यामुळे विशेषतः पायाच्या अंगठ्याच्या सांध्यात तीव्र वेदना होतात. अंगठ्याच्या सांध्याला अचानक सूज येते. अंगठा लाल होतो. रात्री अचानक तीव्र वेदना सुरू होतात.
वाढत्या वयामुळे किंवा सांध्यांवर वारंवार ताण आल्यामुळे सांध्यांमधील कूर्चेची झीज होऊ शकते. पायाच्या अंगठ्याच्या सांध्यात ही समस्या झाल्यास त्याला हॅलक्स रिजिडस असे म्हणतात. अंगठा वाकवताना वेदना होते. चालताना अंगठ्यावर ताण जाणवतो. अंगठ्याच्या सांध्याजवळ सूज किंवा हाडासारखी गाठ जाणवते.
चालताना पाय मुरगळणे, एखादी जड वस्तू अंगठ्यावर पडणे किंवा खेळताना दुखापत होणे यामुळेही अंगठ्यात वेदना होऊ शकतात. काही वेळा हाडाला तडा जाण्याची शक्यताही असते. अंगठ्याला सूज येणे. पायावर वजन देताना वेदना सुरू होतात. त्वचेवर निळसर डाग दिसतात.
पायाच्या अंगठ्याचे नख त्वचेमध्ये वाढू लागल्यास वेदना आणि सूज निर्माण होऊ शकते. विशेषतः नख चुकीच्या पद्धतीने कापल्यास किंवा घट्ट चप्पल वापरल्यास ही समस्या उद्भवू शकते.नखाच्या बाजूला वेदना होतात. नखाजवळ पू तयार होतो. चालताना किंवा बूट घालताना त्रास होतो. त्वचा लाल होऊन सूज येते.
अनेकदा सतत घट्ट बूट, अरुंद शूज किंवा चुकीच्या आकाराच्या चप्पल वापरल्यामुळे पायाच्या अंगठ्यावर अतिरिक्त दबाव येतो. यामुळे अंगठ्यात वेदना आणि सूज येऊ शकते. अंगठ्याच्या बाजूला सूज येते. चालताना वेदना वाढतात.
शक्यतो घट्ट आणि अरुंद बूट वापरणे टाळा.
पायाला पुरेशी विश्रांती द्या.
सूज असल्यास कापडात गुंडाळलेल्या बर्फाने १५ ते २० मिनिटे शेक द्या.
आहारात दूध, दही, अंडी, हिरव्या भाज्या आणि पोषक पदार्थांचा समावेश करा.
डॉक्टरांच्या सल्ल्याशिवाय व्हिटॅमिन किंवा कॅल्शियमच्या गोळ्या घेऊ नका.
वेदना वारंवार होत असल्यास डॉक्टरांकडून तपासणी करून घ्या.
टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.