Milk Adulteration: सावधान, तुम्ही पिताय भेसळयुक्त दूध ! सणासुदीच्या काळात दुधात सर्रास भेसळ

संदीप चव्हाण, साम प्रतिनिधी

तुम्ही पित असलेलं दूध भेसळयुक्त तर नाही ना.? हा प्रश्न आम्ही का विचारतोय याचं उत्तर तुम्हाला या बातमीत मिळेल.कारण, अशी एक टोळी सक्रिय आहे जी दुधात भेसळ करतेय. झटपट पैसे कमावण्यासाठी तुमच्या जीवाशी खेळतेय.कोण आहेत हे पुतना मावशी पाहुयात हा रिपोर्ट.

तुम्ही पित असलेल्या दुधात भेसळ होतेय. हा व्हिडिओ पाहून तुम्ही दूध पिणं सोडून द्याल.बघा, कसे हे तुमच्या जीवाशी खेळतायत.दुधाच्या पिशवीतील दूध एका भांड्यामध्ये काढून घेतलं जातं.मग या दुधात पाणी मिसळून दूध भेसळ केली जातेय. हे कित्येक दिवस सुरू होतं. आता एका नीट पाहा, हे कसे दूध भेसळ करतात.

दूधात भेसळ कशी होते?

दुधाच्या सीलबंद पिशव्या आणून दूध एका भांड्यात ओततात

दुधात पाणी आणि दूध पावडर मिसळून दूध वाढवतात

भेसळ केलेलं दूध पुन्हा कंपनीच्या प्रिंट केलेल्या पिशवीत भरून पॅकिंग करतात

यांची ही चलाखी कुणालाही कळणार नाही अशा पद्धतीनेच यांनी घरात डेअरी थाटली होती.मात्र, यांचा हा सगळा प्रकार उघडकीस आला आणि यांचं पितळ उघडं पडलं...अन्न व औषध प्रशासन आणि मुंबई गुन्हे शाखा युनिट 12 यांनी केलेल्या संयुक्त कारवाईमुळे यांचा हा गोरखधंदा उघडकीस आलाय.हा सगळा प्रकार मुंबईच्या मालाड पूर्वेकडील कुरार पोलीस ठाण्याच्या हद्दीत सुरू होता.

तुमच्या दुधात भेसळ ?

त्यामुळे ही दुधातली भेसळ कशी ओळखायची हेदेखील पाहुयात.

दुधातली भेसळ कशी ओळखाल?

भेसळ दूधाची चव कडू असते.

जेव्हा तुम्ही हे दूध बोटावर घेऊन चोळाल तर तुम्हाला साबणाप्रमाणे स्पर्श जाणवेल.

तुम्ही हे दूध गरम केले तर या दूधाचा रंग पिवळा होईल.

सणासुदीचे दिवस सुरू असल्याने अनेक लोक गोडधोडाचे पदार्थ बनवतात...त्यामुळे दूधाची खरेदीही मोठ्या प्रमाणात करतात.याचाच फायदा घेत यांनी लोकांच्या जीवाशी खेळून पैसे कमावण्याचा धंदा सुरू केला होता.मात्र, गुन्हे शाखेने या प्रकरणी सैदुल दडपेली आणि श्रीनिवासूलू भंडारू या दोघांना अटक केलीय...आणि त्यांच्याकडून 17 हजार रुपयांचे भेसळयुक्त दूध जप्त केलंय.यांच्यावर जरी कारवाई झाली असली तरी असे भामटे अनेक ठिकाणी दुधात भेसळ करतायत.त्यामुळे तुम्ही दूध खरेदी करताना नीट तपासून घ्या...कारण, भेसळयुक्त दूध मुलांसह तुम्हीही प्यायलात तर आजारी पडाल