Baby Care Tips : लहान मुलांना हे सूपरफूड लगेच खाण्यास देऊ नका, आयुर्वेद सांगतेय त्याच्या खाण्याची योग्य वेळ कोणती ?

Baby Care tips : लहान मुलांला सहा महिने झाल्यानंतर त्यांना आपण काही पदार्थ खाऊ घालतो. ते कुसकरुन, शिजवून, उकडवून किंवा त्याची पेच बनवून.

हे देखील पहा -

लहान मुलांसाठी ज्या गोष्टी आपल्याला पौष्टिक घटक वाटू लागतात ते आपण त्यांना खाऊ घालतो. पौष्टिक घटकांमुळे त्यांच्या वाढीवर योग्य परिणाम होतो. परंतु, आपल्या घरातील मोठी माणसं नेहमी आपल्याला बाळाला हे खाऊ घाल ते खाऊ घाल अशी अनेक पर्याय सांगतात पण कोणता पदार्थ बाळाला योग्य वेळी खाऊ घालायचा हे जाणून घेऊया.

अळशी हा अतिशय पौष्टिक मानला जातो. महिलांच्या आरोग्यासाठी अळशी वरदानापेक्षा कमी नाही. कोणीही त्यांच्या आहारात सबजाचा समावेश करू शकतो, परंतु मुलांना हे सुपरफूड देखील खायला मिळू शकते का? जर आपल्याला त्याच्या फायद्यांबद्दल माहिती असेल आणि आपल्या मुलांच्या आहारात त्याचा समावेश करायचा असेल, तर आपल्याला कोणत्या वयापासून करायला हवा हे जाणून घ्यायला हवे.

अळशी हा अल्फा लिनोलिक ऍसिडचा नैसर्गिक स्रोत आहे. त्यात आवश्यक फॅटी ऍसिड आहेत. या बियांमध्ये आहारातील फायबर भरपूर प्रमाणात असते आणि त्यात अनेक फायदेशीर घटक देखील आढळतात. आपण अळशीचा पावडर किंवा त्याचे तेल वापरू शकतो. अळशीचे नियमित सेवन केल्याने आरोग्यासाठी अनेक फायदे (Benefits) होतात, पण ते बाळासाठी सुरक्षित आहे का? हे जाणून घेऊया.

नॅशनल हेल्थ सर्व्हिसच्या मते, बाळाला अळशीची बारीक पावडर खायला दिली जाऊ शकते. बंगळुरू येथील जीवोत्तमा आयुर्वेद केंद्राचे एमएस (आयुर्वेद) डॉ. शरद कुलकर्णी सांगतात की, १० महिन्यांनंतर अळशीच्या बिया बारीक करून बाळाला खाऊ घालता येतात. आपण पुरी, मॅश, लापशी किंवा सूपमध्ये याची पावडर घालू शकता. शक्य असल्यास आपण एकदा बालरोगतज्ज्ञांचा सल्ला घ्यावा.

अळशी खाण्याचे फायदे -

१. दररोज एक चमचा अळशी पावडर खाल्ल्याने आहारातील फायबर, खनिजे आणि बायोएक्टिव्ह पदार्थ भरपूर प्रमाणात मिळतात जे बाळाच्या (Baby) संपूर्ण आरोग्यासाठी अधिक फायदेशीर आहेत.

२. अळशीमध्ये एएलएचे प्रमाण जास्त असते, जे ओमेगा-३ फॅटी ऍसिड असते. याच्या मदतीने शरीर डोकोसाहेक्सॅनोइकिक ऍसिड बनवते. निरोगी मेंदूच्या विकासासाठी हा महत्त्वाचा घटक आहे.

३. लहान मुलांमध्ये बद्धकोष्ठतेचा त्रास सामान्य जरी असला तरी तो अधिक त्रासदायक आहे. अळशीमध्ये विद्रव्य आणि अघुलनशील फायबर आढळतात. पाण्यात विरघळणारे फायबर आतड्यांच्या हालचालींना प्रोत्साहन देते. त्यामुळे बद्धकोष्ठतेचा त्रास होऊ लागतो.

४. अळशीच्या बिया आपल्याला बाळाला खायला देऊ नका. बियांची पावडर करुन त्याला खायला घालावी. आपण बेबी फूडमध्ये यांची पावडर घालू शकता.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.

Edited By - Komal Damudre