Ahmedabad Plane Crash Photo: गुजरात विमान अपघातानंतरचे भयंकर फोटो, दृश्य पाहून उडेल थरकाप

गुजरातमध्ये भयंकर विमान अपघात झाला. २४२ प्रवाशांना घेऊन जाणारं विमान कोसळलं.

अहमदाबाद एअरपोर्टजवळील मेघानीनगर या रहिवासी परिसरात विमान कोसळलं.

हे विमान लंडनला जात होते. टेकऑफ घेताच काही अंतरावर जाताच हे विमान कोसळलं.

विमान पडल्यानंतर भीषण आग लागली. हे विमान एअर इंडियाचे असल्याची माहिती समोर आली आहे.

या विमानात क्रू मेंबर्ससह २४२ प्रवासी प्रवास करत होते. या अपघातानंतर परिसरात धुरांचे लोट पसरले.

अपघातानंतर विमानाचे तुकडे-तुकडे झाले. हा अपघात इतका भीषण होता की यामध्ये मोठी जिवीतहानी झाल्याची शक्यता आहे.

घटनास्थळावर बचावकार्य आणि मदतकार्य युद्धपातळीवर सुरू आहे. अग्निशमन दलाच्या गाड्या घटनास्थळी दाखल झाल्या आहेत.

ज्या ठिकाणी हे विमान कोसळलं ते मेघनीनगर विमानतळापासून १५ किलोमीटर अंतरावर आहे.

विमान अपघाताचे अनेक व्हिडिओ आणि फोटो सोशल मीडियावर व्हायरल झाले आहेत.

अपघातग्रस्त विमान बोईंगचे ७८७ ड्रीमलायनर असल्याचे सांगितले जात आहे. हे विमान ११ वर्षे जुने होते.