Today Horoscope : नोकरीत प्रमोशन अन् व्यवसायात मिळणार यश; ५ राशींच्या लोकांच्या आयुष्यात भाग्यकारक घटना घडणार

आजचे पंचांग

बुधवार,२४ सप्टेंबर २०२५,अश्विन शुक्लपक्ष,सप्तरात्रोत्सवारंभ.

तिथी- तृतीया (अहोरात्र)

रास-तुला

नक्षत्र-चित्रा

योग-ऐंद्रयोग

करण-तैतिल

दिनविशेष-वृद्धि तिथी

मेष - भागीदारी व्यवसाय सुरू करण्याचा विचार करत असाल तर आज त्यामध्ये प्रवेश करायला हरकत नाही. एकमेकांच्या सल्ल्याने गेलात तर अधिक नफा आज मिळेल. कोर्टाची कामे अडकलेल्या गोष्टी आज सहज होणार आहेत.

वृषभ- तब्येतीच्या तक्रारी त्रासदायक ठरतील. नोकरीमध्ये मात्र बढतीचे योग आहेत. आजोळी प्रेम वाढेल. मामाकडून विशेष धनलाभाची सुद्धा शक्यता आहे. दिवस संमिश्र आहे.

मिथुन - बोलून समोरच्याला आपलेसे करणे, नक्कल करणे आणि वातावरण आनंदी ठेवणारी आपली रास आहे. प्रेमामध्ये आज हलका मूड घेऊन आलेला दिवस आहे. आनंदी घटना घडतील. विद्यार्थ्यांना अभ्यासामध्ये विशेष यश मिळेल.

कर्क - समोरच्या व्यक्तीला आपलेसे करण्यासाठी आपण मनापासून प्रयत्न करता. घरामध्ये पाहुण्यांची उठ बस होईल आणि आदरातिथ्य ठेवणे जमेल. पाहुणा आनंदात न्हाऊन जाईल. सर्व सुखांच्या दृष्टीने दिवस चांगला आहे. वाहन खरेदीचा विचार करत असाल तर आज होकार धरायला हरकत नाही.

सिंह - धाडस, धडाडी आणि पुढाकारले पण घेऊन जाणारी आपली रास आहे. विशेष जिद्दीने आणि चिकाट्याने काही कामे कराल. अपयश जणू काही आपल्याला माहितीच नाही अशा प्रकारे परिस्थितीवर तुटून पडाल. विशेष शाबासकीची थाप आपल्या भावंडांकडून आपल्याला मिळेल.

कन्या - अर्थकारणी अशी आपली रास आहे. आलेल्या पैशाचा लेखाजोखा ठेवणे आपल्याला विषय आवडते. घरातील काही वयस्कर मंडळी आपला गुंतवणुकीसाठी सल्ला घेतील. खाद्यपदार्थांची रेलचेल राहील. मनस्वास्थ्य उत्तम आहे.

तूळ - नव्याने काहीतरी खरेदी करावे, स्वतःसाठी जगावे असे वाटणारा आजचा दिवस आहे. पैसा मिळवणं ते टिकवणे आणि त्याचा आनंद घेणार या सगळ्याचा ताळमेळ आज साधून पुढे जाल .सकारात्मकता वाढेल.

वृश्चिक - परदेशगमनाचे काही नियोजन करत असाल तर आज त्यासाठी दिवस संधी घेऊन आलेला आहे. मात्र त्याचबरोबर मोठे काही खर्च होण्याचे सुद्धा संभव आहे. बंधन योग येतील. कुठेतरी हॉस्पिटलायझेशन साठी मोठा खर्च होईल. काळजी घ्या.

धनू - अडीअडचणीच्या काळामध्ये मैत्री आपले नातेसंबंध दृढ करते हे आज पुन्हा जाणवेल. नव्याने काही ओळखी हो. गुंतवणूक म्हणजे नुसती पैशाचे नसून नात्यांची सुद्धा असते हे आज जाणवेल.

मकर - कामासाठी असणारे सर्व सोपस्कार आज पार पाडावे लागतील. सहकारी आणि वरिष्ठ यांना सांभाळून घेऊन पुढे जावे लागेल. कधी कधी बघ्याची भूमिका घेणे सुद्धा गरजेचे असते. पण प्रगतीपथावर राहणारा आजचा दिवस आहे.

कुंभ - नास्तिकता अस्तिकतेमध्ये बदलेल. कुठेतरी दैवी शक्ती आपल्या मागे आहे हे आज जाणवेल. होईल ध्यानधारणा आणि उपासना आपली मनस्थिती चांगली राहण्यासाठी आज मदत करेल. भाग्योदय कारक घटना घडतील.

मीन - जुळून आलेल्या काही गोष्टी फिसकटण्याचा आज संभव आहे.परिस्थितीची जुळवणी करून घ्यावी लागेल. काही गोष्टी एकट्यालाच पुढे होऊन करावे लागतील. पण हा अनुभव नव्याने धाडस येण्यासाठी महत्त्वाचा आहे.