आजचे पंचांग
बुधवार,१० सप्टेंबर २०२५,भाद्रपद कृष्णपक्ष,संकष्ठ चतुर्थी,तृतीया-चतुर्थी श्राध्द.
तिथी-तृतीया१५|३८
रास-मीन १६|०३ नं. मेष
नक्षत्र-रेवती
योग-वृद्धि
करण-विष्टीकरण
दिनविशेष-१६ नं. चांगला
मेष - आज संकष्टी चतुर्थी आपल्या राशीला विशेष गणेश उपासना फलदायी ठरणार आहे. मनोबल वाढण्यासाठी स्वतःच पुढाकार घेऊन कामे करावी लागतील. परदेशगमनाचे योग येतील.
वृषभ - नव्याने ओळखी होतील. जुनी मैत्री घनिष्ठ होईल. परदेशी वार्तालाप होईल. आरोग्य उत्तम राहील. गुंतवणुकीतून फायदा संभवतो आहे.
मिथुन- धावपळ आणि दमणूक असेल. तरी आज कामे सर्व मार्गी लागणार आहेत. वरिष्ठांच्या कडून विशेष शाब्बासकीची थाप आपल्या पाठीवर येणार आहे. सामाजिक उपक्रमामध्ये सहभाग घ्याल.
कर्क - शंकराची उपासना करावी. मनस्वास्थ्य चांगले राहील. लांबचे प्रवास घडतील. संतती बाबत सुवार्ता कानी येतील. दिवस चांगल्या काही घटना नियोजित रित्या घेऊन आलेला आहे.
सिंह - "शेरास सव्वाशेर" अशी काही आपली भूमिका असेल. मुळातच आपली ऊर्जा आणि जिद्द ह्या जोरावर अडथळींचा सामना करून यश मिळवाल. महत्त्वाची कामे दुपारनंतर बरी. सरकारी कामात व्यत्यय येऊ शकतो.
कन्या - नात्यांमध्ये हिशोब करायचं नसतो. आज हे समजेल. प्रेमाची वरची कडी वाढती राहील. एकमेकांच्या समजूतदारपणामुळे संसारात आनंद निर्माण होईल. रस वाढेल. व्यवसायात भरभराट आहे.
तूळ - आपल्या राशीच्या काही स्त्रियांना स्त्रीरोग पासून जपण्याची गरज आहे. कामाची धांदल उडेल. गोड बोलून कर्मचारी वर्गाकडून काम करून घेतल्यास दिवस चांगला राहील.
वृश्चिक - लॉटरीमध्ये आज नशीब आजमावायला हरकत नाही. अचानक पैसा मिळणार आहे.धनाची आवक वाढती राहील. विद्यार्थ्यांना अभ्यासात विशेष प्रगती होण्याचा आज दिवस आहे. कलाकार कलेत दंग राहतील.
धनु- शेतीवाडी चे व्यवहार आज करायला हरकत नाही. दूध दुभते जनावरांपासून फायदा संभवतो आहे. सर्व सुखाच्या दृष्टीने आजचा दिवस चांगला आहे.गुरुकृपा लाभेल.
मकर - नेटाने आणि चिकाटीने काम करणारी आपली रास. आज यश खेचून आणाल. आपला पराक्रम सिद्ध कराल. कशाचीच उणीव नाही असा काहीसा आजचा दिवस आहे. पत्रव्यवहार मार्गी लागतील .
कुंभ - घरातील लोकांना आपला सल्ला मोलाचा वाटेल. न बोलता कामे करून इतरांचे मन जिंकाल. व्यापार व्यवसायात मात्र खडतर परिस्थितीला तोंड द्यावे लागेल.
मीन - साधे सोपे आयुष्य असावे असे वाटेल. उगाचच मोठे आव्हाने आज आपण घेणार नाही ."सादगीने जिंदगी" असा आजचा आपला अजेंडा असेल. दिवस सुखावह आहे. स्वमग्न असाल.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.