Horoscope Today : मनासारख्या गोष्टी घडणार, वाचा तुमच्या नशिबात आज काय लिहिलंय?

आजचे पंचांग

शुक्रवार,१५ नोव्हेंबर २०२४,कार्तिक शुक्लपक्ष,त्रिपुरारी पौर्णिमा, गुरुनानक जयंती, तुळशी विवाह समाप्ती.

तिथी-पौर्णिमा २६|५९

नक्षत्र- भरणी

रास- मेष २७|१७नं. वृषभ

योग-व्यतिपात ०७|३०

वरीयान २७|३३

करण-विष्टिकरण

दिनविशेष-१७ नं. चांगला

मेष - आज त्रिपुरी पौर्णिमेसारखा शुभ दिवस आहे, मनासारख्या गोष्टी घडणारच आहेत. शरीराला वेगळी चालना मिळेल. मनाची उभारी ऊर्जात्मक असेल.

वृषभ - खर्च अधिक होण्याचा आजचा दिवस आहे. पण आजचा खर्च दानधर्मासाठी झालेला जास्त चांगला राहील. विनाकारण मौजमजेसाठी पैशाची उधळपट्टी होणार नाही याची काळजी घ्या.

मिथुन - प्रेमाची परिणीती स्नेहात होण्याचा आजचा दिवस आहे. नातेवाईकांकडून सहकार्य चांगले मिळेल. मनासारख्या गोष्टी घडत असताना अनेक लाभ पदरात पडतील.

कर्क - वाहनापासून प्रगती आज दिसते आहे. भरपूर भ्रमंती होईल. कामाच्या ठिकाणी आपलं कार्यक्षेत्र वाढणार आहे. मान मिळेल.

सिंह- भाग्याला नवीन कलाटणी मिळणार आहे. अहंकार आणि स्वाभिमान या दोन्ही मधला फरक ओळखून आज तशी वागणूक ठेवा. पौर्णिमेची विशेष उपासना आपल्याला फलदायी ठरणार आहे.

कन्या - अडचणींचा सामना करावा लागेल. त्रिपुरी पौर्णिमेच्या या दिवशी अचानक धनलाभाची आपल्या राशीला शक्यता आहे. दिवस संमिश्र असेल.

तूळ - जोडीदाराबरोबर प्रेमाचे, हितगुजाचे संबंध राहतील. आयुष्यामध्ये नात्यांची नवीन उंची गाठाल. कामाचे स्वरूप वाढते राहील. भागीदारीचा व्यवसाय फायदेशीर ठरेल.

वृश्चिक -आजोळी प्रेम वाढेल. चोर आणि चोरीपासून सावधान. ठरवल्याप्रमाणे दिवस जाणार नाही. हजारपट त्रास, कटकटी वाढतील. नोकरीमध्ये फायदा होईल.

धनु -त्रिपुरी पौर्णिमेच्या दिवशी विशेष दत्त उपासना आपल्याला फलदायी होणार आहे. कला, क्रीडा, शेअर, रेस, लॉटरी तत्सम धनयोगाच्या गोष्टीत फायदा होईल.

मकर - जुन्या गोष्टी टाकून त्याला नवे रूप देण्याचा मनोदय आज असेल. घरासाठी वाहनासाठी आज या खटपटी कराल. कुटुंबीयांचा गरजा भागवताना दमछाक होऊ शकेल.

कुंभ - नवीन काहीतरी संशोधनात्मक कार्य आपल्या हातून आज घडणार आहे. इतरांकडून शाब्बासकी मिळेल. स्वतःवर अभिमान वाटेल.

मीन- घरी पाहुण्यांची ऊठबस राहील. पैशाची आवकजावक चांगली राहील. मात्र आज कुठेही साक्षीदार वा जामीन राहू नका.