Horoscope Today : मेष आणि वृषभसह ५ राशीच्या लोकांसाठी शनिवार आनंदाचा ठरणार; तुमची रास कोणती?

आजचे पंचांग

शनिवार,४ जानेवारी २०२५,पौष शुक्लपक्ष.

तिथी- पंचमी २२|०२

रास- कुंभ

नक्षत्र-शततारका

योग- सिद्धि योग

करण- बवकरण

दिनविशेष- १० प.चांगला

मेष - मित्र-मैत्रिणींचा उत्तम सहवास लागेल महत्त्वाचे पत्रव्यवहार पार पडणार आहेत. दिवस अनेक लाभ घेऊन येणार आहे.

वृषभ - तुमचे कार्यक्षेत्र रुंदावणारे ठरणार आहे. समाजात मान सन्मान, प्रतिष्ठा लाभेल. ठरवलेल्या गोष्टी नियोजित आणि वेळेत नक्कीच होतील.

मिथुन - गुरुकृपा म्हणजे काय? हे आज आपल्याला कळेल. एखादी भाग्यकारक घटना घडेल आणि मनात नसताना घडले म्हणून मन आनंदुन जाईल.

कर्क - कोणाच्याही सहकार्याची आज अपेक्षा करू नका. वाद विवाद मात्र शक्यतो टाळावेत. कधीकधी अडचणी या तुमच्या अध्यात्मिक प्रगती करण्यासाठी येतात. तसा आजचा दिवस आहे.

सिंह -जोडीदाराची अपेक्षित साथ लाभेल. भागीदारी व्यवसायामध्ये सुयश आहे. त्यामुळे मनासारख्या घटना घडल्यामुळे कामाचा नवीन उत्साह आणि जोम आज येऊन जाईल.

कन्या - कर्मचारी वर्गाचे सहकार्य लाभेल. वेळ आणि पैसा वाया जाण्याची मात्र दाट शक्यता दिसते आहे. "आपण भले आपले काम भले" हाच अजेंडा आज दिवसभरात राबवा.

तूळ - काहींचे वैचारिक परिवर्तन आज शक्य आहे. शैक्षणिक क्षेत्रामध्ये प्रगती होईल. संततीकडून सुवार्ता मिळतील. दिवस शुभ असेल.

वृश्चिक - तुमचे निर्णय आणि अंदाज एकूणच अचूक ठरणार आहेत. कामानिमित्त प्रवास होण्याचा संभव आहे. आज विशेष योग आहे काम हे प्राधान्य ठेवा आणि नेटाने कामाला जुंपा.

धनु - नातेवाईकांचे सहकार्य लाभेल. जिद्दीने एखादे काम ठरवले असेल तर ते आज नक्की पूर्णत्वाला नेणार आहात. पराक्रम चांगला घडल्यामुळे मन सुखाऊन जाईल.

मकर - कोणाकडून येणे, कोणाला पैसे दिले असतील तर ते आज वसूल होतील. जुनी आणि वसूल झाल्यामुळे आवक चांगली व व्यवसायामध्ये नवीन तंत्र आणि मंत्र अमलात आणू शकाल. गुंतवणूक साठी दिवस चांगला आहे.

कुंभ - आज तुम्ही हाती घेतलेले दैनंदिन कामे मार्गी लागणार आहेत. आरोग्य उत्तम राहील. दिवस चांगला आणि शुभ संकेत देणारा ठरणार आहे.

मीन - महत्वाची कामे आज करण्याचा विचार करत असाल तर आज ती नकोत. शक्यतो पुढेच ढकलावीत खर्चाचे प्रमाण वाढते राहणार आहे