Monday Horoscope : पाण्यापासून सावध राहा, अन्यथा...; ५ राशींच्या लोकांच्या आयुष्यात वादळ येणार

आजचे पंचांग

सोमवार,३० जून २०२५,आषाढ शुक्लपक्ष.

तिथी- पंचमी ०९|२४

रास- सिंह

नक्षत्र- मघा

योग- सिद्धीयोग

करण-बालव

दिनविशेष-१७ प.चांगला

मेष - धडपडया वृत्तीमुळे कामे आपलीशी कराल. क्रीडा क्षेत्रात प्रगती आहे. संततीचे धाडस सुद्धा कामी येईल. गणेश उपासना फलदायी ठरेल.

वृषभ - घर सजवण्यासाठी वेगवेगळ्या शकले लढवाल. नव्याने खरेदी होईल. जुन्याचे नवे करण्यासाठी आज जंग बांधून कामे कराल. कुटुंबीयांचे सहकार्य उत्तम राहील.

मिथुन- कामामध्ये जीव ओतून काम कराल. जिद्द आणि चिकाटीने क्षितिज आपलेसे कराल.आपल्याच पराक्रमावर आपण खुश होऊन जाल. दिवस चांगला आहे

कर्क - पाहुण्यांच्या आगमनाने मन प्रसन्न राहील. विविध पदार्थ बनवण्याची आज जणू काही शर्यतच आहे अशी भावना येईल. पैशाची आवक-जावक चांगली असल्यामुळे मनस्थिती सुद्धा छान राहील.

सिंह - आत्मसन्मान बाळगून राहाल. आत्मविश्वास वाढेल. इतरांवर आपला प्रभाव राहील. आरोग्यदायी आणि उत्तम असा दिवस आज आपल्याला लाभलेला आहे.

कन्या - विनाकारण कशाचा हिशोब ठेवायचा आणि सकारण कशाचा ठेवायचं नाही या दोन्हीचा ताळमेळ ठेवा. मनस्ताप टाळण्यासाठी झालेला पैसा खर्च उपयोगात येतोय ना? हेच विचार करून सोडून देणे योग्य आहे.

तूळ - प्रेमासाठी काहीतरी वेगळे आपल्याला आज करावे लागेल. समोरच्याचे म्हणणे मान्य करून पुढे जावे लागेल. मनोरंजन क्षेत्रामध्ये धडाडीचे पाऊल आज पडेल. विविध लाभ होतील.

वृश्चिक - सामाजिक प्रतिष्ठा वाढेल. राजकारणामध्ये मान मिळेल. केलेल्या कामाची पोचपावती जवळच्या लोकांकडून आज नक्की मिळणार आहे.

धनु - दत्त उपासना फलदायी ठरेल. ठरवलेल्या गोष्टी तशाच घडतील. नवनवीन कामांमध्ये पाऊल टाकाल आणि यशपादाकांत कराल. दिवस आनंदी आहे.

मकर - अचानक मोठे धन लाभ मिळण्याची शक्यता आहे. पण कष्टाला आज पर्याय नाही हे तितकेच लक्षात ठेवा. आपल्याबरोबर कोण आहे कोण नाही याचा ना विचार न करता काम केलेले बरे.

कुंभ - जोडीदाराचा विचार प्रथम येईल. काम करताना एकत्रित रित्या मिळून काम कराल. व्यवसायामध्ये कामाला उधाण येईल. यश जवळ आले आहे याची खात्री होईल.

मीन - पाण्यापासून सावध राहा. पोटाशी निगडित आजार होतील. मनस्थिती जपावी लागेल. नोकरीमध्ये मात्र गती आणि प्रगती दोन्ही आहे. दिवस संमिश्र असेल .