Hans Mahapurush Rajyog: दिवाळीपूर्वी गुरु बनवणार हंस महापुरुष योग; 'या' राशींसाठी करियरमध्ये मिळणार उत्तम संधी

वैदिक ज्योतिषानुसार ग्रह वेळोवेळी राशी बदल करून शुभ योग आणि राजयोगाची निर्मिती करतात. त्याचा थेट परिणाम मानव जीवन आणि पृथ्वीवर जाणवतो. यावर्षी असा एक महत्त्वाचा संयोग घडणार आहे. देवगुरु बृहस्पती तब्बल १२ वर्षांनी पुन्हा एकदा त्यांच्या उच्च राशीत म्हणजे कर्क राशीत प्रवेश करणार आहेत.

ऑक्टोबर महिन्यात होणाऱ्या या गोचरामुळे हंस महापुरुष राजयोग तयार होणार आहे. हा संयोग १२ वर्षांनी घडणार असल्याने त्याचे विशेष परिणाम दिसून येणार आहे. काही राशींसाठी हा काळ अत्यंत शुभ असून नोकरी, करिअर, उत्पन्न आणि प्रतिष्ठेत मोठी वाढ होण्याचे संकेत आहेत. यावेळी कोणत्या राशींच्या व्यक्तींना लाभ होणार आहे ते पाहूयात.

वृश्चिक रास

हंस महापुरुष राजयोगामुळे वृश्चिक राशीच्या लोकांचे चांगले दिवस सुरू होऊ शकतात. या काळात गुरु ग्रह तुमच्या भाग्य भावात विराजमान राहणार आहे. त्यामुळे भाग्याची साथ लाभेल. या काळात केलेल्या प्रवासातून विशेषतः परदेशाशी संबंधित कामांमधून लाभ मिळू शकतो. विद्यार्थ्यांना परदेशी शिक्षणाची संधी मिळण्याची शक्यता आहे.

तूळ रास

तुला राशीच्या जातकांसाठी हा राजयोग विशेष लाभदायी ठरू शकणार आहे. गुरु बृहस्पती या काळात तुमच्या कुंडलीच्या कर्मभावात भ्रमण करणार आहेत. त्यामुळे नोकरीत प्रमोशन, नवीन जबाबदाऱ्या, पदसिद्धी आणि सामाजिक प्रतिष्ठेत वाढ होणार आहे. या काळात नवीन नोकरीची ऑफर किंवा उच्च पदावर बढती मिळू शकणार आहे. व्यवसाय करणाऱ्यांना नफा मिळेल.

कन्या रास

कन्या राशीसाठी हंस महापुरुष राजयोग फारच शुभ ठरणार आहे. हा राजयोग या राशीच्या अकराव्या भावात होणार असल्याने उत्पन्नात लक्षणीय वाढ होणार आहे. गुंतवणुकीतून चांगला फायदा मिळू शकतो. आर्थिक स्थिती मजबूत होणार असून. बँकिंग, मार्केटिंग, मीडिया या क्षेत्रात असलेल्या व्यक्तींना महत्त्वाच्या डील्स मिळतील.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)