Guru-Budh Yog: 2 दिवसांनी मेष, मकर राशींवर होणार पैशांचा पाऊस, गुरु-बुधाच्या संयोगाने पाहा अजून काय काय मिळणार?

वैदिक ज्योतिष्य शास्त्रामध्ये प्रत्येक ग्रहाला एक विशेष महत्त्व देण्यात आलेलं आहे. या नवग्रहांमध्ये गुरु म्हणजेच बृहस्पती ग्रह एका पॉवरफुल ग्रह मानला जातो. हा ग्रह जवळपास एक वर्ष एका राशीमध्ये राहतो. सध्या गुरु हा वृषभ राशीमध्ये विराजमान आहे. तर दुसरीकडे ग्रहांचा युवराज बुध ग्रह मीन राशीमध्ये आहे.

२ दिवसांनी म्हणजेच ५ मे रोजी दोन्ही ग्रह एकमेकांपासून ६० अंशांवर असणार आहेत. ज्यामुळे एक शक्तिशाली त्रिएकादश योग तयार होईल. याला लाभ दृष्टी असंही म्हटलं जातं. ही दृष्टी खूप फलदायी मानले जाते. गुरु-बुध ग्रहाची शुभ दृष्टी काही राशींसाठी शुभ ठरणार आहे. या राशी कोणत्या आहेत ते पाहूयात.

मेष रास

या राशीच्या लोकांसाठी गुरु आणि बुध ग्रहाचा त्रिएकादश योग खूप लकी ठरू शकतो. या काळात तुमचा आदर आणि सन्मान वेगाने वाढणार आहे. जर तुम्ही कोणत्याही कामात मेहनत केली असेल तर तुम्हाला यश मिळू शकणार आहे. यावेळी तुम्हाला आर्थिक अडचणींपासून मुक्तता मिळू शकणार आहे.

मिथुन रास

या राशीच्या लोकांचे दीर्घकाळापासून प्रलंबित असलेली कामं पुन्हा एकदा सुरू होणार आहे. कुटुंबातील सदस्यांमध्ये बऱ्याच काळापासून सुरू असलेल्या समस्या आता संपणार आहेत. नोकरी करणाऱ्यांसाठी हा काळ खूप फायदेशीर ठरू शकतो. तुमच्यावर काही मोठी जबाबदारी सोपवण्यात येऊ शकणार आहे. आनंद तुमच्या आयुष्याच्या दारावर ठोठावू शकतो.

मकर रास

या राशीच्या लोकांसाठी बुध आणि गुरु ग्रहाचा त्रिएकादश योग अनुकूल ठरू शकणार आहे. व्यवसायात नफा मिळण्याची शक्यता आहे. काही महत्त्वाचा करार होऊ शकणार आहे. वैवाहिक जीवनात फक्त आनंदच असू शकणार आहे. बऱ्याच काळापासून थांबलेले काम पुन्हा एकदा सुरू होण्याची शक्यता आहे.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)