Sunil Grover Upcoming Web Series: प्रसिद्ध कॉमेडियन सुनील ग्रोव्हर सध्या त्याच्या आगामी 'युनायटेड कच्चे' या वेब सीरीजमुळे चर्चेत आहे. त्याच्या कॉमेडी वेबसीरीजचा ट्रेलर लाँच झाला आहे.
'युनायटेड कच्चे' या महिन्यात OTT प्लॅटफॉर्मवर प्रदर्शित होणार आहे. सुनीलच्या या आगामी कॉमेडी वेबसीरीजचा ट्रेलर रिलीज झाला असून, यामध्ये सुनील 'तेजिंदर टँगो गिल'च्या भूमिकेत दिसणार आहे.
तेजिंदर टँगो गिलला उत्तम आयुष्य जगता यावं यासाठी इंग्लंडला जायचे असते आणि त्यासाठी कोणतीही किंमत मोजायला तयार असतो.
यासाठी तो त्याच्या कुटुंबाची जमीन गहाण ठेवतो, पण इंग्लंडमध्ये गेल्यावर त्याला अनेक अडचणींचा सामना करावा लागतो. यानंतर, तो इंग्लंडमध्ये पाकिस्तान आणि बांगलादेशातील नागरिकांना भेटतो, ज्यांना तेथे त्याच्यासारखी प्रगती करायची असते.
'युनायटेड कच्चे' या वेबसीरीजचा ट्रेलर खूप सुंदर आहे. ट्रेलरमध्ये तुम्हाला वेबसीरीजमधील वेगवेगळ्या छटा पाहायला मिळतात. या वेबसीरीजमध्ये लव स्टोरी देखील आहे. या वेबसीरीजमध्ये सुनील ग्रोव्हर स्टायलिस्ट अंदाजात दिसत आहे. त्याचा इंग्लंडला जाण्याचं आणि तिथे गेल्यावरचा संघर्ष यात दाखविण्यात आला आहे.
या वेबसीरीजमध्ये सुनील ग्रोव्हरसह सतीश शाह, सपना पब्बी, निखिल विजय, मनु ऋषी चढ्ढा, नयनी दीक्षित आणि नीलू कोहली देखील आहेत. सुनील ग्रोव्हर स्टारर 'युनायटेड कच्चे' 31 मार्च रोजी Zee5 वर प्रदर्शित होणार आहे. ही वेबसीरीज प्रेक्षकांना खळखळून हसवलं यात शंका नाही.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
