Lakshmi Niwas: जान्हवीची जयंतपासून सुटका, भावना-सिद्धूच्या नात्याची नवी सुरुवात; 'लक्ष्मी निवास'मध्ये येणार 'हे' मोठे ट्विस्ट

Lakshmi Niwas Marathi Serial: झी मराठीवरील लोकप्रिय मालिका ‘लक्ष्मी निवास’मध्ये प्रेक्षकांना मोठा धक्का बसणार आहे. नुकताच प्रदर्शित झालेल्या प्रोमोमध्ये मालिकेत दोन मोठे ट्विस्ट येत्या काळात पाहायला मिळणार आहेत. एक म्हणजे जान्हवीचे आत्महत्येचे पाऊल आणि दुसरा म्हणजे भावनाने सिद्धूला दिलेल्या प्रेमाची कबूली.

कथानकानुसार, जान्हवीला जयंतचा खोटेपणा उघड झालेला असतो. तिच्या आजीसोबत झालेल्या हल्ल्यामागे आणि वेंकीला विहिरीत ढकलण्यामागे जयंतच असल्याचे तिला कळते. या गोष्टीमुळे जान्हवीला थक्काबसतो आणि ती जयंतला शिक्षा देण्याचा निर्णय घेते. नवीन प्रोमोमध्ये ती जयंतला खुर्चीवर बांधून त्याच्यावर बंदूक रोखताना दाखवली आहे. या सीनमध्ये जान्हवीची वेदना आणि संताप दोन्ही स्पष्टपणे दिसतात.

या सर्व गोंधळानंतर जान्हवी आपले जीवन संपवण्याचा निर्णय घेते. समुद्रात उडी मारून आत्महत्या करण्याचा तिचा विचार असल्याचे प्रोमोमध्ये दिसते. त्यामुळे मालिकेत पुढे तिचे काय होते, हे जाणून घेण्यासाठी प्रेक्षक उत्सुक आहेत. दुसरीकडे, मालिकेत भावनाच्या आयुष्यातही एक नवीन वळण येते. भावना सिद्धूसमोर एका बोटीत आपल्या प्रेमाची कबुली देताना दिसणार आहे. सिद्धू तिच्या प्रस्तावाला काय उत्तर देतो, हाही प्रेक्षकांसाठी मोठे ट्विस्ट आहे.

या दोन्ही घटना एकत्र येताच ‘लक्ष्मी निवास’मध्ये तणाव आणि आनंद यांचा संगम प्रेक्षकांना पाहायला मिळणार आहे. मालिकेचे हे विशेष भाग १५ ते २० ऑक्टोबरदरम्यान मध्यावर प्रसारित होणार असून, या दोन ट्विस्टमुळे कथानकात नवा थरार निर्माण होणार आहे.