OTT हे माध्यम प्रेक्षकांना मनोरंजनासाठी उत्तम माध्यम आहे. OTT वर प्रेक्षकांचे सर्वच प्रकारचे मनोरंजन होते. प्रेक्षक सर्वाधिक चित्रपट, वेब शो आणि वेब सीरिज पाहण्यासाठी OTT चा वापर करतात. OTT वर प्रेक्षकांना थिएटरमध्ये रिलीज झालेले चित्रपटही पाहायला मिळतात. दर आठवड्याला अनेक चित्रपट आणि वेब सीरिज रिलीज होत असतात. अशातच जाणून घेऊया, या आठवड्यात रिलीज होणाऱ्या चित्रपट आणि वेब सीरिजबद्दल...
अनदेखी सीझन 3- Undekhi Season 3
नंदीश संधू आणि हर्ष छाया स्टारर 'अनदेखी ३' ही वेबसीरिज ओटीटीवरील सर्वाधिक चर्चेत राहिलेल्या वेबसीरिजमधील आहे. ही वेबसीरिज OTT वर येत्या १० मे रोजी ‘सोनी लिव्ह’ (Sony Liv) वर रिलीज होणार आहे. तुम्ही ही सीरिज हिंदी, तामिळ, तेलुगू, मल्याळम, कन्नड, मराठी आणि बंगाली या भाषांमध्ये पाहू शकाल.
मर्डर इन माहीम- Murder In Mahim
आशुतोष राणा आणि विजय राज स्टारर ‘मर्डर इन माहीम’ ही वेब सीरिज येत्या १० मे रोजी रिलीज होणार आहे. ह्या वेबसीरिजचे कथानक २०१३ मध्ये माहिममध्ये झालेल्या एका हत्येवर आधारित आहे. ही वेब सीरिज ‘जिओ सिनेमा’ या ओटीटीवर रिलीज होणार आहे.
आडुजीविथम - द गोट लाईफ- Aadujeevitham The Goat Life
'आडुजीविथम-द गोट लाइफ' हा सर्वाइवल ड्रामा चित्रपट येत्या १० मे रोजी ओटीटीवर रिलीज होणार आहे. ब्लेसी या चित्रपटाचं दिग्दर्शन करत आहे. एका सत्य घटनेवर आधारित या चित्रपटाचं कथानक आहे. ‘डिज्ने प्लस हॉटस्टार’ ओटीटी प्लॅटफॉर्मवर हा चित्रपट रिलीज होणार आहे.
8 एएम मेट्रो- 8 A.M. Metro
सैयामी खेर आणि गुलशन देवैया स्टारर ‘8 एएम मेट्रो’ हा चित्रपट येत्या १० मे रोजी ओटीटीवर रिलीज होणार आहे. हा रोमँटिक चित्रपट प्रेक्षकांना ‘झी ५’ (Zee 5’ या ओटीटी प्लॅटफॉर्मवर पाहता येणार आहे.
जानकी समसारा- Janaki Samsara
जानकी समसारा ही कन्नड वेबसीरिज आहे. ६ मेला ‘डिज्नी प्लस हॉटस्टार’वर ही रिलीज पाहता येईल.
डॉक्टर हू- Doctor Hu
'डॉक्टर हू' चित्रपट ११ मे रोजी ‘डिज्नी प्लस हॉटस्टार’वर रिलीज होणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
