Saathiya Song in Cuttputlli | मुंबई: बॉलिवूडचा खिलाडी अक्षय कुमार इंडस्ट्रीत आपल्या धमाकेदार चित्रपटांद्वारे धुमाकूळ घालतोय. चित्रपटगृहांमध्ये अॅक्शन सिनेमांतून सुपरहिट ठरलेला हा खिलाडी कुमार आता ओटीटीचाही ताबा घेण्यासाठी कंबर कसतोय. अलीकडेच, बॉलिवूड अभिनेत्री रकुलप्रीत सिंहसोबतचं कठपुतली चित्रपटातील त्याचं रोमँटिक गाणं रीलीज झालं आहे. हे गाणं आऊट होताच सोशल मीडियावर धूमशान घालत आहे.
कठपुतली (Cuttputlli) या चित्रपटातील साथिया या गाण्यात अक्षय कुमार आणि रकुलप्रीत रोमान्स करताना दिसत आहेत. त्यामुळे अक्षय कुमार आणि रकुलप्रीत या दोघांची केमिस्ट्री बघण्याबाबतची फॅन्सची उत्सुकताही संपली आहे. काही तासांपूर्वीच आऊट झालेल्या या (saathiya) गाण्याला आतापर्यंत लाखो व्ह्युज मिळाले आहेत.
हा व्हिडिओ पाहा!
कठपुतली सिनेमात अक्षय कुमार (Akshay Kumar) खास अंदाजात दिसत आहे. अक्षय कुमार या चित्रपटात पोलिसाची भूमिका करणार आहे. यात अक्षय पोलिसाची भूमिका करणार असून, गुन्हेगारांना पकडण्यासाठी कोणतीही सगळ्या सीमा ओलांडण्याची त्याची तयारी आहे, असं या चित्रपटाचं (Bollywood Film)कथानक आहे.
या सिनेमाचा ट्रेलर बघितला तर, त्यातील एका सीनमध्ये अक्षय कुमार सीरियस मूडमध्ये एका खोलीत दिसतोय. तो एका भयंकर असलेल्या गुन्हेगारावर रीसर्च करताना दिसत आहे. अक्षय कुमारला अशा प्रकारची भूमिका करताना यापूर्वीही अनेक चित्रपटांमध्ये बघितलं असेल. मात्र, या चित्रपटात नेहमीप्रमाणे आपल्या भूमिकेला परिपूर्ण करण्याचा त्याचा प्रयत्न असल्याचे दिसून येत आहे.
तर साथिया या गाण्याबाबत म्हणाल तर, अक्षय आणि रकुलप्रीतची (Rakulpreet Singh) जोडी प्रेक्षकांना कमालीची आवडली आहे. नेहमीप्रमाणे अक्षय हा एव्हरग्रीन दिसत आहे. दुसरीकडे, रकुलप्रीत सुद्धा खूपच सुंदर दिसत आहे. ३ मिनिटे ४२ सेकंदाच्या या गाण्यात अनेक शॉट्स घेण्यात आले आहेत. त्यात दोघेही रोमान्स करताना दिसत आहेत. तर काही शॉट्समध्ये अक्षय-रकुलप्रीत डान्स करताना दिसत आहेत.
ओटीटीवर रीलीज होणार कठपुतली
अक्षय कुमार आणि रकुलप्रीतचा कठपुतली हा चित्रपट सिनेमागृहांत नाही, तर थेट ओटीटी प्लॅटफॉर्म डीस्ने प्लस हॉटस्टारवर स्ट्रीम होईल. याआधी अक्षय कुमारचा कोणताच चित्रपट ओटीटीवर रीलीज झालेला नाही.
हा चित्रपट २ सप्टेंबर २०२२ रोजी ओटीटीवर रीलीज होणार आहे. चित्रपटातील कहाणी ही कसौली शहराची आहे. यावर्षी रीलीज झालेला अक्षय कुमारचा एकही चित्रपट बॉक्स ऑफिसवर कमाल दाखवू शकला नाही. आता कठपुतली हा चित्रपट काय कमाल करतो हे पाहणं औत्सुक्याचं ठरणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.