Vijay patkar: ज्येष्ठ अभिनेते विजय पाटकरांचा मोठा गौप्यस्फोट; चित्रपट महामंडळ निवडणुकीत राजकीय दबावाचा आरोप

Vijay patkar: मराठी चित्रपटसृष्टीतील ज्येष्ठ अभिनेते विजय पाटकर यांनी अखिल भारतीय चित्रपट महामंडळाच्या निवडणुकीबाबत गंभीर आरोप करत मोठा गौप्यस्फोट केला आहे. निवडणूक प्रक्रियेत राजकीय हस्तक्षेप होत असून, काही लोक जाणीवपूर्वक माझ्याविरोधात राजकारण करत आहेत, असा आरोप त्यांनी केला.

सध्या अखिल भारतीय चित्रपट महामंडळाची निवडणूक चर्चेत आहे. तब्बल दहा वर्षांनंतर ही निवडणूक होत असून, अनेक कलाकार आणि सदस्य यात सहभागी झाले आहेत. याच पार्श्वभूमीवर विजय पाटकर यांनी माध्यमांशी संवाद साधताना अनेक धक्कादायक दावे केले. त्यांनी सांगितले की, त्यांनी उमेदवारी अर्ज भरून कोल्हापूरला पाठवला होता. मात्र काही लोकांनी राजकारण करून त्यांचा अर्ज प्रक्रियेतून पुढे जाऊ दिला नाही.

सध्या अखिल भारतीय चित्रपट महामंडळाची निवडणूक चर्चेत आहे. तब्बल दहा वर्षांनंतर ही निवडणूक होत असून, अनेक कलाकार आणि सदस्य यात सहभागी झाले आहेत. याच पार्श्वभूमीवर विजय पाटकर यांनी माध्यमांशी संवाद साधताना अनेक धक्कादायक दावे केले. त्यांनी टिव्ही ९ मराठीला दिलेल्या मुलाखतीत सांगितले की, त्यांनी उमेदवारी अर्ज भरून कोल्हापूरला पाठवला होता; मात्र काही लोकांनी राजकारण करून त्यांचा अर्ज प्रक्रियेतून पुढे जाऊ दिला नाही.

विजय पाटकर यांनी महामंडळाचे विद्यमान अध्यक्ष मेघराज राजेभोसले यांच्यावरही थेट निशाणा साधला. “मागील दहा वर्षांत महामंडळासाठी नेमकं काय केलं? संस्थेचं अक्षरशः थडगं करून ठेवलं आहे,” अशा शब्दांत त्यांनी नाराजी व्यक्त केली. तसेच त्यांनी कर्मचाऱ्यांना सात महिने पगार दिला गेला नसल्याचाही आरोप त्यांनी केला.

इतकंच नाही तर एका मंत्र्यांच्या कार्यालयाकडून निवडणुकीत दबाव आणला जात असल्याचाही दावा त्यांनी केला. “एका मंत्र्यांचा ओएसडी गेल्या काही दिवसांपासून कोल्हापुरात ठाण मांडून बसला आहे. कोण उमेदवार असावा, कोण नसावा यासाठी दबाव टाकला जात आहे. मला कळत नाही त्या मंत्र्यांची आणि ओएसडी यांची विधानभवनातील सगळी कामं संपली आहेत का? जेणेकरून ते चित्रपट महामंडळात ठाण मांडून बसले आहेत. मागील 40 वर्षे आम्ही इंडरस्ट्रीत आहोत. आम्ही कधी राजकारण्यांकडे येतो का? त्यांनी कशाला इकडे यायला हवं. असा आक्रमक सवाल त्यांनी केला.