Vicky Kaushal And Katrina Kaif News : कतरिना कैफच्या प्रेग्नेंसीच्या चर्चांवर विकी कौशल पहिल्यांदाच बोलला; म्हणाला, "योग्य वेळ आली की सांगेल..."

गेल्या काही दिवसांपूर्वी कतरिना आणि विकी दोघंही परदेशामध्ये सुट्टीचा आनंद लुटण्यासाठी गेले होते. तिची फॅशन आणि स्टाईलपाहून अनेक युजर्सने कतरिना प्रग्नेंट असल्याची शक्यता वर्तवली होती. कतरिना कैफ प्रेग्नेंसीच्या चर्चा अनेकदा झालेल्या आहेत. आता या चर्चांवर स्वत: विकी कौशलने प्रतिक्रिया दिलेली आहे.

सध्या विकी कौशल त्याच्या 'बॅड न्यूज' चित्रपटाच्या प्रमोशनमध्ये व्यग्र आहे. नुकताच या चित्रपटाचा ट्रेलर रिलीज झाला. या ट्रेलर लाँचिंग इव्हेंटवेळी त्याने योग्य वेळ आली की मी तुम्हाला 'गुड न्यूज' सांगेल, असं सांगितलं.

"तु रियल लाईफमध्ये 'गुड न्यूज' केव्हा देणार आहेस ?"असा प्रश्न पापाराझीने विकीला विचारला होता. या प्रश्नावर त्याने हसत हसत उत्तर दिले, तो म्हणाला, "जेव्हा 'गुड न्यूज' येईल तेव्हा मी सर्वात आधी तुम्हाला सांगेन. सध्या तरी तुम्ही 'बॅड न्यूज' पाहा. पण मी जेव्हा योग्य वेळ आली की तुम्हाला सांगेन." 'बॅड न्यूज'च्या ट्रेलर लाँचिंग इव्हेंटला चित्रपटासंबंधित सर्वच कलाकार उपस्थित होते. इव्हेंटमध्ये, मीडियाने विकी कौशलला खासगी आयुष्याबद्दल विचारलेल्या प्रश्नावर त्याने दिलेले उत्तर ऐकून सर्वच हसू लागले.

‘बॅड न्यूज’ चित्रपटाची निर्मिती करण जोहरच्या धर्मा प्रोडक्शनने केली असून आनंद तिवारी यांनी दिग्दर्शन केले आहे. हा चित्रपट १९ जुलै २०२४ रोजी थिएटरमध्ये प्रदर्शित होणार आहे. रोमँटिक ड्रामा चित्रपटाचा ट्रेलर सर्वांनाच आवडला आहे. चित्रपटात प्रमुख भूमिकेत विकी कौशलशिवाय तृप्ती डिमरी, एमी विर्क, आणि नेहा धूपियाही दिसणार आहे.