Hina Khan: हिना खान-रॉकी जैस्वाल यांच्या नात्यातील सत्य उघड, अभिनेत्रीने केला खुलासा

Hina Khan Breakup: अभिनेत्री हिना खान नेहमीच तिच्या बोल्ड आणि हॉट लूक्समुळे चर्चेत असते. फॅन्स सुद्धा तिच्या प्रोफेशन आयुष्याइतकचं तिच्या पर्सनल जीवनाबाबत जाणून घेण्यात उत्सुक असतात. काही दिवसांपूर्वी हिनाने एक पोस्ट केली होती. ती पोस्ट पाहून अनेकांना वाटले होते की तिचा रॉकी जैस्वालसोबत ब्रेकअप झाला आहे. नुकतीच हिनाने अजून एक पोस्ट शेअर केली त्यावरून नेमकं त्यांच्या काय झालं आहे हे सर्वांसमोर आले आहे.

हिना खानने केलेल्या त्या पोस्टमुळे तिच्या चाहत्यांनी चिंता व्यक्त केली होती. एका मुलाखतीदरम्यान हिनाने सांगितले की, 'माझ्या आणि रॉकीच्या नात्यात सगळं काही सुरळीत सुरू आहे. मी ब्रेकअपची पोस्ट जशी शेअर केली, माझा संपूर्ण मित्र परिवार अस्वस्थ झाला होता आणि सर्वजण मला मेसेज करत होते. सर्वजण काय झालं, हे विचारत होते. आमच्या ब्रेकअपच्या अफवा ऐकून सर्वच हैराण झाले होते. करिश्मा तन्नाने सुद्धा मला मेसेज करून विचारले की सर्व ठीक आहे ना? (Celebrity)

बॉयफ्रेंड रॉकी जैस्वाल याची यावर काय प्रतिक्रिया होती असे जेव्हा हिना खानला विचारण्यात आले तेव्हा तिने सांगितले की, "'तो एक वेगळा माणूस आहे.. त्याला या सगळ्याने काहीही फरक पडत नाही.' मला अनेक मेसेज आले आणि सगळेजण हेच विचारत होते की सर्व ठीक आहे ना? करिष्मा तन्नासह अनेक लोकांनी मला विचारलं, काय झालं? सर्व ठीक आहे ना? तेव्हा मी सांगितलं की हे एक प्रमोशनल स्टोरी आहे." (Actress)

हिना खानने काही दिवसांपूर्वी इन्स्टाग्रामवर एक स्टोरी शेअर केली होती. तिच्या पोस्टवरून तिचा विश्वासघात झाला आहे असे वाटत होते. त्यामुळे तिच्या चाहत्यांचा गैरसमज झाला होता. हिनाने तिच्या जुन्या पोस्टमध्ये लिहिले होते की, 'त्याच्यावर आंधळा विश्वास ठेवल्यानंतर स्वतःला माफ करायला विसरू नका. कधी कधी एक चांगले हृदय वाईट गोष्टी पाहू शकत नाही. त्यानंतर तिने दुसऱ्या पोस्टमध्ये लिहिले होते की, 'विश्वासघात हे एकमात्र सत्य आहे जे तग धरून आहे."