Ankita-Nia Dance : बादशाहच्या गाण्यावर अंकिता लोखंडे अन् निया शर्मानं केला बेभान होऊन डान्स, पाहा व्हायरल VIDEO

'पवित्र रिश्ता' मालिकेतून प्रेक्षकांच्या घरोघरी पोहचलेली अभिनेत्री अंकिता लोखंडे (Ankita Lokhande) कायम कोणत्या ना कोणत्या कारणामुळे चर्चेत असते. 'पवित्र रिश्ता'नंतर अंकिताला 'बिग बॉस'मुळे खूप लोकप्रियता मिळाली आहे. सध्या तिचा एक व्हिडीओ सोशल मीडियावर तुफान व्हायरल होत आहे. या व्हायरल व्हिडीओमध्ये अंकितासोबत 'एक हजारों में मेरी बहना है' मधील अभिनेत्री निया शर्मा (Nia Sharma ) देखील पाहायला मिळत आहे. या व्हिडीओमध्ये दोघी बेभान होऊन नाचताना दिसत आहेत.

निया शर्मा आणि अंकिता लोखंडेचा मित्र समर्थ जुरेल याचा नुकताच वाढदिवस पार पडला आहे. समर्थ जुरेल 'लाफ्टर शेफ' मध्ये पाहायला मिळाला. त्याने आपल्या सेलिब्रिटी मित्रांना बर्थडे पार्टी दिली. या पार्टीत टीव्हीचे अनेक कलाकार पाहायला मिळाले. या पार्टीला निया शर्मा आणि अंकिता लोखंडे दोन्ही देखील आल्या होत्या. त्यांच्या डान्सने सर्वांचे लक्ष वेधून घेतले आहे. त्यांचा डान्स करतानाचा एक व्हिडीओ सोशल मीडियावर तुफान व्हायरल होत आहे. त्यांच्या डान्सची सर्वत्र चर्चा पाहायला मिळत आहे.

निया शर्मा आणि अंकिता लोखंडेने बादशाहच्या 'वखरा स्वॅग' या पंजाबी गाण्यावर भन्नाट डान्स केला आहे. त्यांनी पार्टीसाठी खास वेस्टन लूक केला होता. दोघी बेभान होऊन नाचताना व्हिडीओत दिसत आहेत. त्यांच्या या व्हिडीओवर नेटकऱ्यांकडून कमेंट्सचा वर्षाव होत आहे. त्यांचा डान्सचा अंदाज पाहून सोशल मीडियावर त्यांना ट्रोल देखील करण्यात येत आहे.

समर्थची बर्थडे पार्टी त्याच्या मुंबईतला घरात होती. अंकिता लोखंडे तिचा नवरा विक्की जैन देखील पार्टीला आला होता. या पार्टीचे फोटो आणि व्हिडीओ सोशल मीडियावर तुफान व्हायरल होत आहेत. अंकिता आणि निया शर्माचे चाहते त्यांच्या आगामी प्रोजेक्टची आतुरतेने वाट पाहत आहे.