Hanuman 6th Day Collection: बॉक्स ऑफिसवर ‘हनुमान’चा बोलबाला; सहाव्या दिवशी केली कोट्यवधींची कमाई

Hanuman 6th Day Box Office Collection

सध्या तेजा सज्जा स्टारर ‘हनुमान’ चित्रपटाची  बॉक्स ऑफिसवर जोरदार चर्चा होताना दिसत आहे. सध्या हा चित्रपट बॉक्स ऑफिसवर जबरदस्त कमाई करतोय. अवघ्या २० कोटी रुपयांच्या बजेटमध्ये बनलेल्या या चित्रपटाने भारतात आतापर्यंत ८१ कोटी रुपयांचा गल्ला जमवला आहे. (Tollywood)

चित्रपटाच्या कमाईच्या आकड्यांकडे पाहिलं तर तेलुगू आणि हिंदी भाषेला प्रेक्षकांकडून सर्वाधिक पसंती मिळत आहे. चित्रपटाच्या कथेसोबतच त्यातील व्हिएफएक्सचंही सर्वच स्तरातून कौतुक होत आहे.

सॅकल्निकच्या अहवालानुसार, चित्रपटाने पहिल्या दिवशी ८.५ कोटी, दुसऱ्या दिवशी १२.४५ कोटी, तिसऱ्या दिवशी १६ कोटी, चौथ्या दिवशी १५. २ कोटी, पाचव्या दिवशी १३. ११ कोटी तर सहाव्या दिवशी ११.६९ कोटींची कमाई केली आहे. चित्रपटाचं व्हिएफएक्स, कथानक आणि कलाकारांचा अभिनय याचे जोरदार कौतुक होत आहे. (Bollywood Film)

तेजा सज्जाच्या या चित्रपटाने सुपरस्टार यशच्या ‘केजीएफ : चाप्टर 1’ आणि ऋषभ शेट्टीच्या ‘कांतारा’लाही मागे टाकत स्वत:च्या नावावर नवा विक्रम केला आहे. केजीएफने प्रदर्शनाच्या पहिल्या सोमवारी 10.60 कोटी रुपयांचा गल्ला जमवला होता. तर ‘कांतारा’ने 3.7 कोटी रुपयांची कमाई केली होती. सोमवारी ‘हनुमान’ चित्रपटाने 14.50 कोटी रुपयांची कमाई केली आहे. चित्रपटाची सोशल मीडियावर जरीही जोरदार चर्चा सुरु असली तरीही चित्रपटाने अद्याप तरी १०० कोटींचा टप्पा गाठलेला नाही. दुसऱ्या विंकेंडला हा चित्रपट १०० कोटींचा टप्पा पार करण्याची शक्यता आहे. (Bollywood News)

चित्रपटाबद्दल सांगायचे तर, प्रशांत वर्मा दिग्दर्शित 'हनुमान' चित्रपट १२ जानेवारीला थिएटरमध्ये रिलीज झाला आहे. हा चित्रपट अवघ्या २० कोटींमध्ये निर्मित झाला आहे. चित्रपटामध्ये मुख्य भूमिकेत तेजा सज्जा सह अमृता अय्यर, वरलक्ष्मी शरतकुमार, विनय राय, राज दीपक शेट्टी, वेन्नेला किशोर अशी स्टारकास्ट आहे. तर चित्रपटाची निर्मिती एस. निरंजन रेड्डी आणि के निरंजन रेड्डी आहे. (Entertainment News)