Thalapathy Vijay: जन नायकन! थलापथी विजयचा ३३ वर्षांच्या फिल्मी करिअरला रामराम, पूर्णवेळ राजकारणात होणार सक्रिय

Thalapathy Vijay: तामिळ सिने जगताचा दिग्गज अभिनेता थलापथी विजय यांनी ३३ वर्षांच्या दीर्घ आणि यशस्वी करिअर नंतर चित्रपटसृष्टीला निरोप देण्याचा निर्णय घेतला आहे. त्यांनी त्यांच्या आगामी चित्रपट ‘जाना नायकन’ च्या ऑडिओ लाँच कार्यक्रमात हा निर्णय जाहीर केला आणि पुढे राजकारणात पूर्णपणे सक्रिय होण्याची इच्छा व्यक्त केली आहे.

२७ डिसेंबर २०२५ रोजी मलेशियात आयोजित ‘थलपथी थिरुविझा’ या विशेष इवेंटमध्ये विजयने भावनिक भाषणात सांगितले की त्यांचा अभिनय कारकिर्दीचा शेवटचा टप्पा ‘जाना नायकन’ असेल आणि यानंतर ते राजकारणात पूर्ण वेळ काम करतील. ते म्हणाले, “फॅन्सने मला जे काही दिले त्यासाठी मी सिनेमाला अलविदा म्हणतो आणि त्यांच्या सेवेसाठी राजकारणात प्रवेश करतो.”

विजयने त्यांच्या भाषणात सांगितले की त्यांनी ‘सिनेमात प्रवेश केल्यावर मी फक्त एक लहान वाळूचं घर उभं केलं’ आणि प्रेक्षकांनी त्याला महाल बनवला’ असे सांगत त्यांच्या चाहत्यांचे आभार मानले. त्यांनी स्पष्ट केले की आता ते लोकसेवा आणि समाजाच्या हितासाठी राजकीय कार्यात जीवन समर्पित करणार आहेत.

‘जान नायकन’ हा चित्रपट आगामी ९ जानेवारी २०२६ रोजी प्रदर्शित होण्यास सज्ज आहे आणि या चित्रपटामुळे विजय सिनेमातून राजकीय प्रवासाकडे वळणार आहेत. या चित्रपटात पूजा हेगडे, बॉबी देओल, प्रकाश राज आणि इतर कलाकार प्रमुख भूमिकेत असणार आहेत.