Bhoot Bangla: अक्षय कुमारच्या हॉरर कॉमेडीमध्ये 'या' अभिनेत्रीची एन्ट्री; पुन्हा साकारणार डायनची भूमिका ?

Bhoot Bangla: बॉलिवूडची सुपरहिट अभिनेता-दिग्दर्शक जोडी पुन्हा एकदा पडद्यावर परतणार आहे. अक्षय कुमार आणि प्रियदर्शन यांनी 'हेरा फेरी', 'फिर हेरा फेरी', 'गरम मसाला' आणि 'भूल भुलैया' सारखे काही उत्तम विनोदी चित्रपट एकत्र दिले आहेत. आता ही जोडी १४ वर्षांनी पुन्हा एकदा एकत्र काम करत असून अक्षय कुमारचा आगामी हॉरर कॉमेडी चित्रपट 'भूत बांगला' प्रियदर्शन दिग्दर्शित करत आहे.

गेल्या वर्षी अक्षय कुमारच्या चित्रपटाचे पहिले पोस्टर रिलीज झाल्यानंतर चाहत्यांना चित्रपटातील अभिनेत्रीबद्दल जाणून घेण्याची खूप उत्सुकता होती. आता अखेर निर्मात्यांनी 'भूत बांगला'च्या अभिनेत्रीचे नाव उघड केले आहे. या चित्रपटात अक्षय कुमारसोबत तब्बू दिसणार आहे. तब्बूने सोशल मीडियावर एक पोस्ट शेअर करून याची घोषणा केली.

५३ वर्षीय अभिनेत्री तब्बूने 'भूत बांगला' चित्रपटाचा क्लॅप बोर्ड शेअर केला. यासोबत तिने कॅप्शनमध्ये लिहिते, 'आपण इथे बंदिस्त आहोत'. अलिकडेच, अक्षय कुमार आणि परेश रावल यांनी त्यांच्या चित्रपटाच्या जयपूर शेड्यूलमधील बीटीएस फोटो इंस्टाग्रामवर शेअर केला आहे. फोटोमध्ये अक्षय कुमार शर्टशिवाय हिवाळ्यातील उन्हाचा आनंद घेताना दिसत होता आणि परेश रावल देखील त्याच्यासोबत होते.

अक्षय कुमार आणि प्रियदर्शन यांचे आगामी चित्रपट 'भूत बांगला' आणि 'भूल भुलैया' यांचे एकमेकांशी एक खास नाते आहे. दिग्दर्शक-अभिनेता जोडीव्यतिरिक्त, हा चित्रपट जयपूरमधील त्याच ठिकाणी चित्रित केला जात आहे. जिथे 'भूल भुलैया' चित्रपटाचे चित्रीकरण झाले होते. अक्षय कुमार आणि तब्बू व्यतिरिक्त, परेश रावल, वामिका गब्बी, राजपाल यादव आणि गोवर्धन असरानी हे कलाकार महत्त्वाच्या भूमिकेत दिसणार आहेत.